web counter
LEXO PA REKLAMA!

SHKARKO APP

App Store
Google Play

E fundit!

x

Ministrja e Ramës i kthehet ashpër PD-së/Zjarret e vapës s’janë njësoj si Gërdeci

9 Gusht 2017, 20:42, Aktualitet CNA

Ministrja e Mbrojtjes, Mimi Kodheli, ka reaguar me tone të ashpra pas një shkrimi të publikuar sot në gazetën zyrtare të PD, ?Rilindja Demokratike?, sipas së cilës Ministria e Mbrojtjes kishte shpenzuar 1 miliard lekë për zyrën e ministres dhe tualetin, ndërsa për operacionet kundër zjarrit janë vënë në dispozicion katër herë më pak para.

Përmes një statusi në rrjetet sociale, Kodheli shkruan se sjell në vëmendje tragjedinë e Gërdecit, duke sqaruar se zyra e MM është një zyrë shteti modeste, por brenda standardeve NATO, kur vjen puna për sigurinë.

REAGIMI I KODHELIT:

Mjerimi i një fundkazani si gazeta RD është vërtet për të ardhur keq. E lindur si shprehje e lirisë së fjalës, prej vitesh, kjo gazetë, është kthyer në një banalitet, ndaj dhe askush se merr seriozisht. Vërej me keqardhje që ditet e vapës i kanë bërë akoma më të tollovitura kokat e nxehta të atyre që i kanë mbetur akoma në punë kësaj gazete pa sherbet, por me shumë rrena dhe helm brenda.
Zyra e MM është një zyrë shteti modeste, por brenda standardeve NATO, kur vjen puna për sigurinë. Një nga klasat e Akademisë u transformua në zyrën e MM, por asnjë qindarkë nuk i është marrë parave të buxhetit të Ministrisë.
Një këshillë faqosëve të gazetës: tjetër herë mos i ngatërroni zjarret e vapës me ato të Gërdecit se mund të digjeni edhe vetë!/CityNews





Lajmet e fundit nga