E fundit!

10:51 Aktualitet

Helmimi i kursantëve te Akademia e Sigurisë/ Reagon policia

Në orët e mbrëmjes së djeshme dhe në orët e para të mëngje...

4 arsye shumë të mira dhe një shumë e keqe se përse duhet të braktisni një lidhje

9 Gusht 2017, 21:45, Aktualitet CNA

Prishja e një lidhjeje është një ndër gjërat më të dhimbshme , jo vetëm se mund të pendoheni por dhe sepse ndarja nga dikush kërkon shumë energji mendore dhe emocionale.

Por ndonjëherë sado e dhimbshme, ndarja nga dikush është e domosdoshme e ndonjëherë zgjedhjë më e mirë që mund të bëni, sidomos kur kjo lidhje është më tepër problematike se sa ju sjell lumturi.

Sipas terapistes Linda Carroll, ju mund të keni 4 arsye të cilat mund të jenë shumë të mira për të braktisur dikë.

Nëse partneri juaj abuzon me ju

Nuk ka rëndësi nëse abuzimi është fizik, verbal, seksual, emocional apo financiar, sipas Carroll nëse shihni një nga këto shenja duhet të largoheni nga mardhënia menjëherë. Ajo çfarë është më e rëndësishme është siguria juaj dhe guximi që duhet të gjeni për të mbrojtur veten.

Partneri juaj ka çrregullime personaliteti të cilat shfaqen në gënjeshtra dhe xhelozi

Sipas Carroll kjo është problem vetëm nëse bëhët diçka e vazhdueshme dhe e përditshme në një lidhje. Por nëse ju dhe partneri juaj jeni të gashëm të rregulloni këtë problem dhe të punoni mbi lidhjen tuaj, mardhënia juaj ka mundësi të funksionojë.

Ju keni provuar gjithçka dhe thjesht nuk po funksionon

Kjo nuk do të thotë se njëri prej jush është i keqi, thotë Carroll, por mbase lidhja juaj thjesht nuk funksionon më. Ju mund të jeni lidhur në një moment kur të dy keni qenë të brishtë, ose ndiheshit të vetmuar dhe mund të keni bërë zgjedhjen e gabuar. Ose thjesht ajo që funksiononte për ju kur ishit 22 vjeç nuk funksionon më në moshën 42 vjeçare.

Ju thjesht e dini se duhet të largoheni nga kjo lidhje

Nuk është ndjenja e panikut, apo irritimi me personin tjetër, e as dëshira për të mos qenë në një lidhje, por është ndjenja ku thjesht e dini se duhet ta lini këtë lidhje. Nëse ju ndjeheni kështu atëherë bëni mirë të largoheni.

Por Carroll ka dhënë dhe një arsye shumë të keqe përse njerëzit shpesh braktisin partnerët e tyre.

Nëse ju ndjeni se partneri juaj është një njëri i zakonshëm apo gjërat të cila ju bënin përshtypje në fillim dhe i adhuronit për të tani ju duken irrituese. Sipas Carroll, nuk është e thënë që të jeni të dashuruar kokë e këmbë, për të vazhduar një lidhje./CityNews