web counter
LEXO PA REKLAMA!

SHKARKO APP

App Store
Google Play

E fundit!

x

Zjarret, reagon për herë të parë Rama/ Kapacitete të ulëta përballë këtij kërcënimi serioz

10 Gusht 2017, 10:17, Aktualitet CNA

Kryeministri Edi Rama është shprehur se kapacitetet e shtetit për të përballuar këtë situatë të zjarreve janë të ulëta.

Nëpërmjet një postimi në rrjetet sociale, Rama ka bërë një përmbledhje të situatës së zjarrëve në vend, ku pavarësisht se pranon që është përtej asaj ç?ka mund të përballojë shteti shqiptar, ai shkruan se është bërë një punë shumë e madhe.

Kreu i qeverisë ka deklaruar se një tjetër prioritet që i shtohet qeverisë në 4 vitet e ardhshme është rritja e kapaciteteve për të përballuara raste të tilla emergjente.

?Vijojnë aksionet për vënien nën kontroll dhe shuarjen e vatrave të zjarreve në këto ditë temperaturash ekstreme, të cilat kanë ndikuar rëndshëm në një situatë të paprecedentë zjarresh në mbarë mesdheun. Për përballmin e situatës janë angazhuar deri më sot 8261 vajza e djem nga Emergjencat Civile, Forcat Zjarrfikëse, Forcat e Armatosura, stafet e bashkive si edhe vullnetarë, të mbështetur me 973 mjete tokësore dhe 5 mjete ajrore (2 helikopterë dhe 3 avionë). Situata mbetet e vështirë edhe për ditët në vijim që vala e të nxehtit të jashtëzakonshëm do të jetë prezente në territorin tonë.

S’ka dyshim se kapacitetet tona mbeten të ulëta përballë këtij kërcënimi kaq serioz dhe në katër vitet e ardhshme do të përpiqemi seriozisht për rritjen e këtyre kapaciteteve. Sidoqoftë, faktet flasin vetë qoftë për punën kolosale që është bërë në kushte tejet sfiduese, qoftë për kujet e krismat digjitale të atyre që duhet të japin llogari e jo të kërkojnë llogari. Nga 280 vatrat e zjarrit në të cilat ka qenë e nevojshme ndërhyrja e strukturave shtetërore, sot janë aktive vetëm 8 prej tyre dhe ky numër pritet të ulet në orët në vijim falë gatishmërisë maksimale, koordinimit të plotë dhe bashkëpunimit të lartë mes institucioneve vendore e qendrore?, shkruan Rama./CityNews





Lajmet e fundit nga