web counter
LEXO PA REKLAMA!

SHKARKO APP

App Store
Google Play

E fundit!

x

Plas lufta në pushtetin vendor mes PS-LSI/Meta u kërkon qëndresë të vetëve, Rama...

10 Gusht 2017, 09:27, Aktualitet CNA

Në pushtetin vendor ka shpërthyer një konflikt i ashpër mes PS dhe LSI, dy forcat politike që udhëhoqën sëbashku vendin për katër vitet e shkuara.

Tashmë që timoni i pushtetit qendror është i Ramës, Meta ka ndërmarrë një tjetër lëvizje, i ka porositur të vetët që të bëjnë rezistencë dhe të fillojnë aksion spastrimi ndaj punonjësve të PS, kryesisht në 7 bashkitë që drejton LSI, si në Gjirokastër, Cërrik, Skrapar, Përrenjas, Delvinë, Berat dhe Bulqizë.

Në këto bashki, kryetarët e saj u kanë njoftuar shkarkimin dhe të gjithë nënkryetarët e PS kanë dorëzuar dorëheqjet.

E njëjta situatë përsëritet edhe në kampin e PS, kryetarët socialistë të këtyre bashkive u kanë kërkuar nënkryetarëve të saj që të japin dorëheqjen, por këta të fundit ndryshe nga socialistët me urdhër të Metës kanë vendosur të bëjnë rezistencë.

Për sa i përket këshillit bashkiak, LSI në një pjesë të madhe të bashkive ka pjesën dërrmuese të këshilltarëve. Këta të fundit me urdhër nga lart janë porositur që me votën e tyre të njësuar të kundërshtojnë hapur kryetarët socialistë, duke mos votuar asnjë vendim të tyre.

Mirëpo nga ana tjetër siç shkruan e përditshmja Sot, Rama në shtator do të ketë të gjithë emrat e drejtorëve dhe të punësuarve nga LSI e do të urdhërojë shkarkimin e tyre në bllok./CityNews





Lajmet e fundit nga