web counter
LEXO PA REKLAMA!

SHKARKO APP

App Store
Google Play

E fundit!

x

Nga Xhovani SHYTI/ Një ligj për të ndalur kontrabandën e mandateve

29 Korrik 2017, 18:49, Aktualitet CNA

Vetëm pak orë pasi u komunikua përjashtimi nga grupi i këshilltarëve bashkiak i dy përfaqësuesve të Lëvizjes Socialiste për Integrim, të cilët votuan për miratimin e rritjes së tarifës së ujit të pijshëm, në mbledhjen e të mërkurës pasdite, njera prej tyre ,Genta Mezini, deklaroi bashkimin me grupin e këshilltarëve të Partisë Socialiste.

??Jam e nderuar që më jepet mundësia të kontribuoj përkrah kryetarit të Bashkisë z. Erion Veliaj dhe do bëj të pamundurën që të jap gjithë mundësitë e mia në shërbim të qytetarëve. Duke u nisur nga akuzat e dëshpëruara të LSI për blerjen e votës sime, dhe duke qenë se unë zgjedh progresin dhe jo regresin, zgjedh zhvillimin dhe jo prapambetjen, zgjedh shëndetin dhe jo sëmundjen, e shoh se nuk mund të jem më pjesë e formatit politik të LSI. Që nga ky moment, vota ime do të jetë pjesë e grupit politik të Partisë Socialiste?, ka qenë pjesa përfunduese e mesazhit të Mezinit, pasi më parë kishte falenderuar elektoratin që e kishte votuar, duke i dhenë mandatin si këshilltare. Mandatin e fituar në emër të LSI-së, por që e mandatuara pritet t?ja bashkëngjisë për shfrytëzim Partisë Socialiste.

Një veprim i pasens ky, po të kihet parasysh se besimdhënësit e mandatit janë pjesë elektorale e LSI-së, dhe, minimalisht, gjëja e parë që duhej të bënte Mezini, para se të deklaronte kapërcimin, duhej të ishte konsultimi me zgjedhësit e saj… Duhej të vepronte kështu për hatër të moralit pasi, në fakt, nuk ka asnjë pengesë ligjore që t?a ndal Mezinin ti bindet vullnetit të saj për të bërë kapërcimin nga LSI në PS, për motiv të një loje politike, për të mosndalur ndërprerjen e karrierës së mëtejshme politike, apo për hatër të ndërgjegjes, kjo pak rendësi ka.

Mezini nuk është unike në vendimarrjen e saj, por një numër më shumë në sagën e renegatëve që duke mos pasur as parime e as ideologji politike, nuk e kanë për gjë të kalojnë nga njëri subjekt tek tjetri. Për të ruajtur pozicionet përfituese dhe për të bërë karrierë, sigurisht, pasi që ata nuk i lidh asgjë me parimet dhe atë pjesë të moralit ende të paasgjesuar të politikës, kjo duket qartazi. Ata të gjithë janë përfitues dhe për hatër të këtij parimi lëvizin sa nga njëri subjekt tek tjetri, kur e ndjejnë se po u cënohet vendi i punës dhe parimi i shfrytëzimit të politikës për interesin e vet.

Në historinë e politikës shqiptare paskomuniste të tillë renegatë politik ka me qindra. Të bërë deputetë me mandate të siguruara nga vota elektoratesh të majta e që pas braktisjes së forcës politike, në emër të të cilës janë mandatuar, kanë kaluar në formacione politike të djathta. Sikurse ka ndodhur edhe e kundërta me deputetë të mandatuar nga elektorate të djathta, që pas divorcit me partinë janë rreshtur, si pa të keq, me subjekte politike të majta.

Në këtë absurditet më e shqueshme është ikja nga PS tek LSI dhe e anasjellta, por kjo ka pak rendësi për sa kohë nuk ka asnjë pengesë ligjore, nuk ekziston asnjë ligj, që ta ndalë renegatizmin politik. Fenomenin që do ishte më e drejtë ta etiketonim si ?kontrabandë mandatesh?. Apo aferë me mandate të pamerituara që, në mungesë të një barriere ligjore, mbetet pa u ndërshkuar, kur në fakt nuk është veçse krim elektoral./CityNews





Lajmet e fundit nga