web counter
LEXO PA REKLAMA!

SHKARKO APP

App Store
Google Play

Rindizen gjakrat mes PS-LSI/Nuk do ta besoni për çfarë janë përplasur këtë radhë

11 Korrik 2017, 19:57, Aktualitet CNA

Janë rindezur sërish gjakrat mes dy forcave politike ish-aleate me njëra-tjetrën, PS dhe LSI, ku tashmë në lojë janë futur dhe të rinjtë e të dyja palëve, FRESSH dhe LRI.

Luan Rama foli sot në një dalje publike për kampingun që do të organizojë LRI me të rinjtë eurosocialistë, si çdo vit në Jalë.

Por, i menjëhershëm ka qenë reagimi i FRESSH-it të PS, ku përmes një deklarate sqaron se LSI po keqinformon dhe manipulon opinionin publik.

Deklarata

FRESSH dhe organizatorët e Internacionales Socialiste të të Rinjve shprehin keqardhje për mënyrën se si strukturat e LSI-së po keqinformojnë dhe manipulojnë opinionin publik, në lidhje me kampin që organizon Internacionalja Socialiste e të Rinjve (IUSY) në Jalë.
Në bazë të marrëveshjes së përbashkët që FRESSH dhe LRI kanë nënshkruar me Internacionalen e të Rinjve Socialistë (IUSY), festivali dhe aktivitetet e tij organizohen dhe mbështeten në mënyrë të barabartë nga dy forumet, të cilat nga datat 14-21 korrik do të mirëpresin 400 të rinj nga e gjithë bota. Këtë fakt e konfirmojnë me prezencën e tyre këtu presidenti i Internacionales Socialiste të të Rinjve (IUSY), Hoëard Lee si dhe Sekretari i Pergjithshëm, Alessandro Pirisi.
Gjejmë rastin të falenderojmë të rinjtë e LRI-së për përkushtimin dhe bashkëpunimin e deritanishëm në mbarëvajtjen e këtij festivali me rëndësi për Shqipërinë dhe të rinjtë shqiptarë.
Të rinjtë e FRESSH dhe LRI-së janë bashkë në këtë aktivitet për të treguar vlerat më të mira të shqiptarëve, ndaj edhe një herë i lutemi kryesisë së LSI-së të distancohet nga këto mënyra të politikëbërjes dhe t?i lejojë të rinjtë të jenë pjesë dhe model i një të ardhmeje më të mirë për Shqipërinë dhe shqiptarët./CityNews





Lajmet e fundit nga