web counter
LEXO PA REKLAMA!

SHKARKO APP

App Store
Google Play

E fundit!

x

Policia turke arreston 47 akademikë/ Ja cila është arsyeja

11 Korrik 2017, 16:35, Aktualitet CNA

 

Kryeministri i Turqisë, Rexhep Tayyip Erdogan nuk ndalet me arrestimet e të dyshuarve si pjesë  e lëvizjes ?Gylen?, ku njerëz të ndryshëm arrestohen për shkak të përpjekjeve të dështuara të puçit në vitit të kaluar.

Këtë herë duket se u ka ardhur rradha akademikëve, pasi janë nxjerrë 72 urdhra arresti kundrejt tyre dhe stafit në Universitetin ?Bogazici? dhe ?Medeniyet? në Stamboll, nga ku 47 akademikë janë arrestuar.

Midis të arrestuarve është Koray Caliskan, një kritik liberal i qeverisë dhe një ish-këshilltar i kryetarit të Partisë Republikane të Popullit (CHP), Kemal Kilicdaroglu.

Si akademikët aktivë, ashtu edhe të tjerë që janë ndaluar, u burgosën me dyshimin se kanë përdorur programin e koduar të mesazheve ByLock, raportoi media turke. Mijëra vetë janë arrestuar vetëm sepse në celularin e tyre u gjet ky program dhe sipas autoriteteve, atë e kanë përdorur mbështetësit e Fethullah Gylen, të cilin Erdogan e akuzon për puçin.

Që prej vitit të kaluar janë arrestuar 50,000 vetë dhe 150,000 të tjerë janë larguar nga puna deh janë qindra media, NGO dhe grupe të të drejtave të njeriut.

Urdhërat e arrestit u lëshuan një ditë pasi pasi Kilicdaroglu përfundoi një marshim prej gati 450 kilometrash ?Marshim për drejtësi?, nga Ankaraja në Stamboll. Në marshim morën pjesë më shumë se një million vetë, të cilët ishin kundër gjendjes së jashtëzakonshme dhe arrestimit të padrejtë të mijërave njerëzve.

Gjatë manifestimit Kilicdaroglu tha se Erdogani e përdori përpjekjen për puç për të kryer një ?grusht shteti pallati? kundër demokracisë dhe drejtësisë. Ai kërkoi lirimin e parlamentarëve nga burgu si dhe kthimin e pavarësisë e drejtësisë në vendin e tyre./CityNews





Lajmet e fundit nga