web counter
LEXO PA REKLAMA!

SHKARKO APP

App Store
Google Play

E fundit!

x

Temperaturat e larta djegin vendin/ Zjarri prek qytetet kryesore

11 Korrik 2017, 16:15, Aktualitet CNA

Vendi jonë është në gjendje alarmante përsa i përket temperaturave të larta dhe zjarreve që kanë shkaktuar. Temperaturat vazhdojnë të rriten, ndërkohë që mungesat e ujit dhe zjarret janë problemet e ditës.

Emergjencat Civile kanë dhënë disa informacione të reja në lidhje me vatrat e zjarrit të konstatuara në të gjithë vendin.

Sipas tyre, janë evidentuar 7 vatra zjarri në Dibër, Vlorë, Gjirokastër dhe Elbasan.

Ndërkohë, Emergjencat Civile vazhdojnë të mbajnë nën vëzhgim situatën përmes specialistëve të saj në qarqe.

QARKU DIBËR
Vatra e zjarrit në fshatin Patin, Klos e cila u riaktivizua gjatë mesditës është drejt shuarjes pas ndërhyrjes nga ajri me helikopter. Në vendngjarje shkuan forcat zjarrfikëse të cilat punuar që flakët e zjarrit mos ti afroheshin dy banesave që ishin të braktisura në zonë. Në fshatin Gurës e Vogël, Klos zjarri ka rënë në një sipërfaqe me shkurre, por për shkak të terrenit malor zjarrfikëset nuk kanë mundur të ndërhyjnë. Për të shuar flakët është angazhuar një helikopter.

QARKU SHKODËR
Në Shegan të Malësisë së Madhe zjarri ka rënë në një sipërfaqe me shkurre dhe ferra.
3 makina zjarrfikëse janë në vendngjarje dhe po punojnë për të shuar flakët.

QARKU ELBASAN
Në fshatin Fanjë, Përrenjaz ka rënë zjarr në një sipërfaqe me shkurre. Në vendngjarje kanë shkuar zjarrfikëset nga Librazhdi dhe po punojnë për të shuar flakët.

QARKU VLORË
Në fshatin Mavrovë, Selenicë zjarri i rënë në mesditë vijon. Në vendngjarje kanë shkuar forcat zjarrfikëse që po punojnë për shuarjen e flakëve. Në fshatin Vodicë, Selenicë zjarri ka prekur një sipërfaqe me shkurre. Për shkak të terrenit malor zjarrfikëset kanë ndërhyrë me mjete rrethanore për të shuar flakët.

QARKU GJIROKASTËR
Në fshatin Goricë, Gjirokastër ka rënë zjarr në një sipërfaqe me shkurre dhe ferra.
Në vendngjarje kanë shkuar dy mjete zjarrfikës të cilat po punojnë për shuarjen e flakëve./CityNews





Lajmet e fundit nga