web counter
LEXO PA REKLAMA!

SHKARKO APP

App Store
Google Play

E fundit!

x

Nga Kastriot Myftaraj/Shqipëria për herë të parë në histori do ketë një ministër serbishtfolës, Baton Haxhiun

11 Korrik 2017, 14:31, Aktualitet CNA

Shqipëria në shtator do të ketë, për herë të parë në historinë e saj shtetërore, një Ministër të Punëve të Jashtme serbishtfolës, Baton Haxhiun.

Qëllimi i Kryeministrit Rama me këtë përzgjedhje është që Haxhiu të simbolizojë integrimin e Shqipërisë në Jugosllavinë e Re që do të krijohet, nën eufemizmin gjeopolitik ?Ballkani Perëndimor? (Ish-Jugosllavia minus Kroacia dhe Sllovenia, plus Shqipëria), si dhe të punojë për këtë proces në komunikim të drejtpërdrejtë me serbët.

Në 1990 Baton Haxhiu njëzetepesëvjecar (ai ka lindur ni 24 shkurt 1965, ndonëse në jetëshkrimet që shpërndan thotë se ka lindur në 1967) iu bashkua partisë së porsakrijuar Savez Reformskih Snaga (Lidhja e Forcave Reformatore), të kryesuar nga kryeministri federal jugosllav Ante Markoviç, e cila parti kishte në program ruajtjen e federatës jugosllave. Meqënëse Jugosllavia u shpërbë në atë kohë, edhe SRS pësoi fatin e saj në 1991.

27 vite më vonë Baton Haxhiu do t? ia rinisë atje ku e ndërpreu në 1991, duke punuar për krijimin e Jugosllavisë së Re.

Me Baton Haxhiun si Ministër të Punëve të Jashtme Edi Rama bën një çift interesant politik, si Esad Pashë Toptani me Cena Beg Kryeziun, agjentin serb të atashuar ndaj Esadit dhe më pas edhe ndaj Ahmed Zogut. Të shohim si do të shkojë kjo histori. Esadi dhe Cena Begu siç dihet u vranë nga dora atdhetare shqiptare.

Batoni tashmë ka disa vite që punon me sukses për integrimin ekonomik të Shqipërisë në Jugosllavinë e Re, si vend vasal ekonomik i Serbisë, duke u bërë ndërmjetës dhe sekser mes Kryeministrit Rama dhe vëllezërve Devolli, pronarë të kompanisë ?Devolli?, ashtu që këtyre t? u hapet tregu i Shqipërisë, përveç atij të Kosovës për drithrat serbe që importojnë kryesisht grurë dhe misër jashtë standardit, që nuk mund të hahet jo më nga njerëzit, por as nga kafshët. Në Serbi, ky grurë ndalohet të shitet në tregun e brendshëm, për arsye se është aq i vjetëruar aq sa ka humbur vlerat ushqyese, ose ka një përmbajtje kimikatesh përtej normës së lejuar me ligj që të përdoret për rritjen e prodhimit.

Vëllezërit Devolli nga gruri i importuar në Serbi prodhojnë në Kosovë miell të cilin e shesin edhe në Shqipëri me çmim më të lirë se gruri! Ky grurë serb dhe mielli i prodhuar prej tij kanë efekt vrasës për njerëzit, madje edhe për kafshët. Konsumimi i tij nga njerëzit bëhet shkak për shfaqjen e sëmundjeve të ndryshme, duke përfshirë kancerin e llojeve të ndryshme.

Sipas marrëveshjes Edi Rama merr 3 milion euro mitë në muaj dhe vëllezërit Devolli e paguajnë me kënaqësi këtë shumë sepse fitimi i tyre është disafish më i madh. Sasia e grurit dhe e miellit serb që fut në Shqipëri kompania ?Devolli? është disa herë më i madh se sasia që regjistrohet në doganë. Kompania ?Devolli? fiton nga kjo tregti me Shqipërinë mbi 150 milionë euro në vit.

Baton Haxhiu do të jetë ministër i Republikës Jugosllave të Shqipërisë, që në letër dhe në llogaritë bankare duket joshës për të birin e ish-oficerit të UDB Fazli Dajakit(e fitoi këtë emër famëkeq për dajakun ndaj shqiptarëve si argat i shkijeve), por që në praktikë është një nga postet më të rrezikshme në botë.

Batoni ka lidhje me diplomacinë aq sa kishte lidhje Fazli Dajaki (Qeli) me Bashkësinë Shkencore të Kosovës, ku e bënë sekretar shumëvjecar, me zyrë pranë Rektoratit të Universitetit të Prishtinës, pasi u larguan rankoviçianët nga Sekretariati i Punëve të Brendshme.

Batoni në dokumentet që ka paraqitur për marrjen e shtetësisë shqiptare ka dhënë si vendlindje katundin Poklek të Drenicës, vendlindjen e babës, që për llogari të Rankoviçit mbante nën kontroll Drenicën që prej katundit të tij. Me rënien e Rankovicit, një vit pas lindjes së Batonit, u largua edhe garda e vjetër udbashe dhe me këtë rast Fazliu e bashkë me të edhe Batoni u bë prishtinali./CityNews





Lajmet e fundit nga