web counter
LEXO PA REKLAMA!

SHKARKO APP

App Store
Google Play

E fundit!

x

Lulzim Basha harron krimet e Edi Ramës dhe ministrat e korruptuar të tij

11 Korrik 2017, 12:28, Aktualitet CNA

Filloi dhe mbaroi fushata e Partisë Demokratike e udhëhequr nga Lulzim Basha dhe në asnjë rast kreu demokrat, tashmë i vetëngrirë nuk ka  denoncuar krimin dhe korrupsionin që ka kapluar qeverinë dhe ministrat e Edi Ramës.

Kjo sjellje e Lulzim Bashës përgjatë fushatës së Partisë Demokratike, e cila çoi në humbjen më të thellë dhe më drastike të PD, duket se po vazhdon edhe tani ku i vetëngriri Basha kandidon përballë Selamit për të mbajtur me hir apo pahir karrigen e kreut të PD.

Lulzim Basha, ndërsa takon demokratët në qytete të rëndësishme të Shqipërisë ka harruar jo vetëm t?i përmendë emrin Edi Ramës, të cilin duket se e ka frikë apo ka mbyllur ndonjë pazar të pistë, por nuk përmend më, të gjithë ministrat e akuzuar më parë për korrupsionin apo lidhjet me krimin.

Gjatë ditëve të fundit nuk është përmendur në asnjë moment i shumëakuzuari për afera korruptive, ish ministri i Shëndetësisë, Ilir Beqaj.

Lulzim Basha ka frikë të përmendë Damian Gjiknurin, të shumëakuzuarin për aferën e ÇEZ.

?Saimir droga?, i cili ishte kryefjala e fjalimeve të çadrës nga Lulzim Basha, tashmë është harruar dhe nuk po i përmendet më as emri as droga.

Lindita Nikolla, ish ministrja e Arsimit, e cila u cilësua si shpartalluesja e Arsimit të Lartë, nuk zihet më në gojë, pa shtuar drejtorë apo ministra të tjerë, të vulosur tashmë në harresë nga Lulzim Basha.

Basha i ka harruar të gjithë, më në krye Edi Ramën, tashmë ai ka vetëm një kërkesë, shpreson që ky i fundit ta marrë në qeveri. Mjafton që Rama t?i japë thërrime nga tepsia e pushtetit dhe Lulzim Basha hesht./CityNews





Lajmet e fundit nga