web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhjet/ Zguri: Institucionet ligjzbatuese, të bëjnë publike rezultatet e hetimeve administrative dhe penale për krimin zgjedhor

11 Korrik 2017, 09:21, Aktualitet CNA

Kryetari i KQZ-së përmes një deklarate publike i ka bërë apel institucioneve që të hetojnë shkeljet zgjedhore dhe krimet elektorale. Lidhur me incidentet dhe krimet elektorale të konstatuara në zgjedhjet e datës 25 qershor, Zguri i ka kërkuar institucioneve si Departamenti i Administratës Publike, Task

Forca e krijuar ngë Këshilli i Ministrave, Policia dhe Prokuroria, që janë marrë gjeresisht me problematikën e zgjedhjeve, të bëjnë publike rezultatet e hetimeve administrative dhe penale.

Zguri tha se; ?Në mënyrë të veçantë organet e ndjekjes penale kanë regjistruar çështje hetimore, për të cilat shqiptarët presin hetim të shpejtë, të pa ndikuar politikisht, profesional dhe të drejtë. Shqiptarët presin të bëhet publik sa më shpejt rezultati i procedimeve penale për të gjitha veprat penale në fushën e zgjedhjeve që janë në hetim.

Qytetarët kanë nevojë ta shohin drejtësinë penale në fushën e zgjedhjeve në veprim dhe në lartësinë e ligjit. Pa lajme serioze, të besueshme dhe të qendrueshme nga organet e ndjekjes penale nuk mund të ringrihet besimi i publikut tëk zgjedhjet.

Për këtë arsye, u bëj thirrje të gjitha institucioneve të përfshira të përmbyllin me përparësi procedurat e tyre të hetimit administrativ apo penal dhe të bëjnë sa më shpejt publike rezultatet e punës së tyre?./CityNews





Lajmet e fundit nga