E fundit!

18:12 Aktualitet

Nis protesta e pestë e qytetarëve në Tiranë

Mbahet ditën e sotme protesta e radhës e qytetarëve në Tir...

Kush i helmoi protestuesit në Tiranë?/Çfarë e bën të heshtë Lulzim Bashën dhe PD

11 Korrik 2017, 09:51, Aktualitet CNA

Siç nuk ka ndodhur kurrë më parë, mitingu hapës i Partisë Demokratike në Tiranë pati pasoja për militantët pjesëmarrës, madje edhe për vetë kryetarin Lulzim Basha.

Rreth 140 persona të pranishëm në këtë miting u helmuan dhe përfunduan në spital, madje edhe Lulzim Basha nuk mundi t?i kalonte pasojat pa një ndihmë mjekësore.

Fillimisht Partia Demokratike dhe më pas Lulzim Basha akuzuan rëndë dhe nuk nguruan ta quanin, një sulm të mundshëm të qeverisë apo edhe nga faktorë të jashtëm.

Kanë kaluar ditë dhe deri më tani akoma nuk ka arsye konkrete dhe zyrtare se pse u helmuan në miting rreth 140 persona në Tiranë.

Ndërkohë që ka ardhur koha që shqiptarët të mësojnë njëherë e mirë se çfarë u ndodhi 140 personave në mes të kryeqytetit, më shumë se kurrë po dëgjohet heshtja e Partisë Demokratike dhe e vetë Lulzim Bashës.

Pse po hesht Lulzim Basha? Çfarë e bën të heshtë Partinë Demokratike për këtë fenomen të paprecedentë që u ndodhi 140 militantëve të saj?

Lulzim Basha me sy të skuqur, që ditën e parë doli dhe tha se kjo është një ngjarje kriminale, akuzoi qeverinë dhe premtoi se ngjarja do zbardhej dhe shqiptarët do ta merrnin vesh të vërtetën e asaj që ka ndodhur.

Sot shqiptarët janë përballë një heshtje të madhe, ndërkohë që akoma nuk dihet se çfarë e shkaktoi helmimin në mes të Tiranës, ndonjë sulm i mundshëm, apo prozhektorët e sjellë në miting nga familjarët e Bashës.

Zbardhja e të vërtetës dhe asaj që realisht ka ndodhur fatkeqësisht po futet në arkivën e premtimeve të pambajtura të Lulzim Bashës, megjithëse i ka ai ministrinë e Brendshme dhe të Shëndetësisë në qeverinë e Edi Ramës.

Përpara një ngjarje ku Basha duhet të flasë më shumë se kushdo dhe t?u dalë në mbrojtje simpatizantëve të PD, ai po hesht më shumë se kushdo, duke fshehur ndoshta një të vërtetë që mund të implikojë vetë familjarët e tij./CityNews