web counter
LEXO PA REKLAMA!

SHKARKO APP

App Store
Google Play

E fundit!

x

Afera 6.8 milion euro/ Zbulohen llogaritë bankare të sekserit  

11 Korrik 2017, 09:52, Aktualitet CNA

Të tjera detaje lidhur me aferën më të madhe shqiptare të derisotme janë zbuluar nga gazeta më e madhe çeke IDNES. Në qendër është Nue Kalaj, sekseri ndërmjetës midis qeverisë së kryeministrit Sali Berisha dhe kompanisë çeke CEZ në privatizmin e OSSH-së.

Por Nue Kalaj është edhe personi në adresë të të cilit CEZ ka kryer transfertën 6.8 milion euro, shumë kjo që deri dje dihej se ishte kaluar tek shqiptaro-kosovari Kalaj, por deri këtu.

Në investigimin e kësaj afere është përfshirë edhe gazeta çeke IDNES, që ka sjellë në vëmendje të hënën një shkrim-skandal me protagonist kryesor Nue Kalajn.

Gazeta çeke ka investiguar transfertën  6.8 milion euro, nga CEZ tek disa llogari bankare të Nue Kalajt, ndërkohë që ky i fundit ka tërhequr shuma maramendëse pak muaj para mbajtjes së zgjedhjeve parlamentare të vitit 2009.

E reja tjetër që sjell gazeta çeke ka të bëjë me hijedyshimin se mos një pjesë e këtyre shumave maramendëse kanë përfunduar në xhepat e politikanëve dhe shtetarëve shqiptarë. Për ta zbardhur këtë të fshehtë po hetojnë si autoritetet shqiptare ashtu edhe ato çeke, përmend gazeta, duke theksuar se aurotetet përfaqësuese të CEZ-it kanë refuzuar të prononcohet lidhur me ngjarjen, pasi çështja është nën hetimin e policisë./CityNews





Lajmet e fundit nga