E fundit!

12:20 Kronika

Atentati i 30 qershorit në Korçë/ Arrestohet vëllai i autorit, në pranga dhe i plagosuri

Një nga personat e shpallur në kërkim për plagosjen e shte...

Skandali/Lulzim Basha ortak apo ka frikë t’i përmendë emrin Edi Ramës?!

11 Korrik 2017, 11:21, Aktualitet CNA

Partia Demokratike prej disa ditësh ka nisur një garë farsë ku kryetari i vetëngrirë i saj, Lulzim Basha dhe Eduard Selami po garojnë për karrigen e kryetarit të PD.

Dy kandidatët, Basha dhe Selami kanë nisur turin e kësaj fushate brenda partisë për të takuar të gjithë anëtarët e PD në gjithë Shqipërinë.

Ndërkohë që Selami akuzon hapur Lulzim Bashën si përgjegjësin kryesor që e solli PD në këtë gjendje, ky i fundit kryefjalë te fushatës së tij për kryetar të PD ka thjesht blerjen e votave dhe mazhorancën fiktive.

CityNews ka zbardhur të gjitha fjalimet e Lulzim Bashës në qytete të ndryshme të Shqipërisë, duke filluar që nga Kavaja, Dibra, Korça etj dhe në të gjitha këto fjalime vihet re një detaj që kthehet në skandalin e radhës të Bashës.

Kryetari i vetëngrirë i Partisë Demokratike në asnjë nga fjalimet që ka mbajtur përpara demokratëve, ku kërkon besimin e tyre për të mbajtur karrigen e PD nuk e ka përmendur emrin e Edi Ramës.

Basha akuzon për blerje votash, akuzon për mazhorancë fiktive, por nuk flet kurrë për një emër konkret. Kush i vodhi këto vota? Basha nuk akuzon asnjë emër, thjesht hedh akuzat e tij të radhës për të justifikuar humbjen drastike që i solli Partisë Demokratike.

Sot pas gati 9 ditë fushatë, Lulzim Basha nuk i ka përmendur në asnjë moment emrin Edi Ramës, ai flet në shumës, pa identifikuar autor. Justifikohet se janë vjedhur votat, por harron se ministrin e Brendshëm e ka vetë ai.

Atëherë kush i vodhi votat? Nëse ka vërtet një shitblerje votash në Shqipëri, Edi Rama është përfshirë në mënyrë të drejtëpërdrejtë.

Edi Rama është mazhoranca, por Lulzim Basha ka frikë t?ia përmendë emrin, kjo që pas marrëveshjes së dyshimë, e cila mund të quhet disa e vulosjes së shpartallimit të Partisë Demokratike.

Më poshtë po sjellim të gjitha deklaratat, ku Basha ka frikë t?i përmendë emrin Ramës./CityNews