web counter
LEXO PA REKLAMA!

SHKARKO APP

App Store
Google Play

E fundit!

x

Plagosja me armë në Lezhë/ Zbardhen detaje të reja

11 Korrik 2017, 19:13, Aktualitet CNA

Disa detaje të reja janë zbardhur në lidhje me plagosjen me armë zjarri në qytetin e Lezhës. Sipas policisë, shoferi i linjës Kalivaç-Lezhë u qëllua disa herë me plumba nga dy persona dhe nga ky atentat ngeli i plagosur në këmbë.

Ndërkohë, është prangosur njëri nga autorët, shtetasi Gjovalin Voci, 40 vjeç, i cili po tentonte të dilte jashtë vendit.

Gjatë marrjes në pyetje në polici 47-vjeçari ka deklaruar se nuk i njihte agresorët.

Njoftimi i policisë:

Me datë 11.07.2017 , rreth orës 05:15 është marrë njoftim se në fshatin Kalivaç në Lezhë, persona akoma të paidentifikuar, kanë plagosur me armë zjarri në këmbë shtetasin A.Gj. 47 vjeç.

Në vendngjarje menjëherë ka mbërritur grupi hetimor, që po kryen të gjitha veprimet hetimore e proçeduriale për identifikimin dhe kapjen e autorit/ve.

Po bëhet krehja e zones si dhe janë ngritur pika kontrolli.

Në bashkëpunim me Prokurorinë e Rrethit Gjyqësor Lezhë , vazhdojnë hetimet për zbardhjen e plotë të rrethanave e motiveve të ngjarjes./CityNews

 

 





Lajmet e fundit nga