Lulzim Basha, kryetari që edhe humbjen katastrofike e menaxhon në favorin e tij

11 Korrik 2017, 17:03, Aktualitet CNA

Lulzim Basha është nga të rrallët kryetar të një force politike që megjithse pas humbjes së thellë të zgjedhjeve duhej të jepte dorëheqjen e parevokueshme, vijon të mbajë peng Partinë Demokratike, duke sajuar lloj-lloj sofizmash. Ku më e fundit është ?ngrirja e funksioneve të kryetarit? dhe rikandidimi për tu ribërë sërish kryetar.

Ky veprim i kryetarit funksionengrirë është vlerësuar, më të drejtë, një absurditet, nga pjesa dërmuese e figurave historike të PD-së, por edhe nga demokratët e bazës, sipas të cilëve, me katandisjen që i ka bërë kryetari Lulzim Basha partisë duhej jo vetëm të jepte dorëheqje të parevokueshme, por edhe të ndëshkohej.

Sepse mosdorëheqja, pas humbjes së thellë të zgjedhjeve parlamentare, është akti më i fundit, por jo i vetmi i Lulzim Bashës, kryetarit që përgjatë gjithë historisë së drejtimit të PD-së kurrë nuk e ka respektuar statutin, por edhe forumet drejtuese të partisë.

Pa miratimin dhe diskutimin ndër këto forume Lulzim Basha ndërmorri të gjithë aksionin opozitar kundër maxhorancës qeverisëse, duke sajuar një çadër të quajtur prej tij si ?çadra e lirisë?, kur epiteti më i përshtatshëm për të do të ishte ?çadra grackë? për faktin se Basha diti ta fusë atje opozitën, por mbeti brenda dhe nuk dinte si të dilte.

Megjithse garnizoni i Republikës së tij të Re mundi ti rezistojë nënçadrës për mëse 90 ditë, dalja prej saj nuk prodhoi asgjë pozitive në favor të Lulzim Bashës apo PD-së. Përkundrazi gjithë rezultati pozitiv i kaloi Edi Ramës dhe PS-së, që së bashku me nënshkrimin e një marrëveshjeje me përmbajtje enigmatike, falë edhe aksionit politik idiot Basha, ja doli jo vetëm të fitojë rendshëm zgjedhjet por edhe të verë përfund partinë më të madhe rivale të tij.

Por Basha është edhe autori i hartimit e miratimit të listave të kandidatëve të PD-së, gjithë nën anashkalimin e strukturave superiore kolegjale të partisë dhe në shkelje të statutit, duke deklaruar se në rast humbjeje do t’i merrte vetë të gjitha përgjegjësitë. Nga të cilat dorëheqja e parevokueshme e tij nga posti i kryetarit do të ishte më e pakta.

Mirëpo kjo nuk ndodhi edhe pse humbja që strategjia elektorale Basha e Republikës së Re solli në zgjedhjet e 25 qershorit ishte katastrofike dhe rrënuese për Partinë Demokratike.

Megjithë këto kusure Lulzim Basha ka paturpësinë të mos e lëshojë PD-në, por të vetëngrijë fuknksionin e vetëvetes, të shpallë rikandidmin dhe të vijoj garën përballë rivalit të vetëm të tij Eduart Selami. Duke aplikuar një tjetër skemë antistatutore, sikurse artikulojnë pjesa dërmuese e përfaqësuesve të stafit elitar të partisë, të cilët e kundërshtojnë fort mënyrën sesi Lulzim Basha edhe humbjen po e menaxhon në favorin e tij dhe në dëm të PD-së.

Por deri ku do të shkojë Lulzim Basha në këtë pengmarrje të partisë nëpërmjet rezistencës antistatutore? Ndërkohë që ai dhe kundërshtari rival vijojnë ?garën? elektorale brenda PD-së, duke dhenë përshtypjen se asgjë nuk ka ndodhur dhe situata është mëse normale, kundërshtarët vijojnë betejën antiBasha, duke paralajmëruar stuhinë e pritëshme.

Jo më larg se mbrëmjen e djeshme, një nga figurat kryesore të PD-së, Astrit Patozi, i gjendur në një bisedë të drejtëpërdrejtë në ?Report TV? pohoi vijimin e betejës antiBasha, duke e vlerësuar strategjinë e këtij të fundit si ?rrëmbim në mes të ditës të partisë?./CityNews