web counter
LEXO PA REKLAMA!

SHKARKO APP

App Store
Google Play

Gazeta gjermane zbulon përse të gjithë kanë frikë nga Albin Kurti kryeministër

11 Korrik 2017, 18:29, Aktualitet CNA

?Të gjithë kanë frikë nga Albin Kurti: establishmenti i korruptuar politik në Kosovë, ekonomia, pakica serbe dhe perëndimi. Por nacionalisti i majtë kërkon pushtetin. Kush është politikani rebel?? shkruan gjermania presticioze ?Der Spiegel?, që më pas vijon:

?Për një kohë të gjatë, Albin Kurti ka refuzuar të përballet me kufizimet e ditës së një politikani. Ai preferonte imazhin e një revolucionari studentor. Për shembull, kravatat nuk ishin rreth qafës së tij deri kohët e fundit.

Albin Kurti, politikani rebel 42 vjeçar, nga Kosova dhe kreu i lëvizjes së protestave nacionaliste të krahut të majtë VetëVendosje, ka përshtatur rrobat e tij sepse ai dëshiron të bëhet kryeministër i vendit të tij.

?Unë jam një politikan në Kosovë që ka më së shumti votues. Njerëzit i besojnë partisë sime dhe mua për të krijuar rend dhe ligj?, thotë Kurti për ?Der Spiegel?.

Gjatë zgjedhjeve të parakohshme parlamentare në Kosovë, 11 qershor, ?Koalicioni i Krahut të Luftës? nuk fitoi shumicën dërrmuese. PAN-i fitoi 34 përqind të votave dhe kjo nuk ishte e mjaftueshme për krijimin e qeverisë, ndërsa Vetëvendosja e vetme fitoi 28 përqind të votave, kurse Kurti rrëmbeu më shumë vota nga gjithë politikanët.

Sipas ?Der Spiegel? nëse tre liderët e PAN, Ramush Haradinaj, Kadri Vejseli dhe Fatmir Limaj dështojnë në krijimin e qeverisë, atëherë një gjë të tillë mund ta bëjë Albin Kurti. Por më së shumti kjo shfaq frikë për: Establishmentin politik, sepse ai kërkon të pastrojë krimin e organizuar dhe korrupcionin. Për përfaqësuesit e biznesit, sepse ai është i dashuruar me barazinë socialiste.

Për misionet e OKB dhe BE në Kosovë, sepse ai i emërton ata si ?administratë kolonialiste?. Për pakicën serbe, sepse ai vlerësohet si nacionalist.

?Gjithshka është e gënjeshtërt?, thotë Kurti në bisedë me median gjermane, përcjell botasot.info. ?Pamja jonë negative është një projeksion i regjimit të korruptuar në vend, sepse ne jemi për atë që në Kosovë të mbizotërojnë drejtësia demokratike, ligjore dhe sociale?, vijon Albin Kurti.





Lajmet e fundit nga