E fundit!

11:26 Kronika

Trafik droge dhe organizatë kriminale/ Arrestohen në Durrës dy të kërkuarit ndërkombëtarisht

Dy persona të kërkuar ndërkombëtarisht janë arrestuar në D...

Paralajmërimi i komandantit/ Kujdes, ISIS ende nuk është mposhtur!

11 Korrik 2017, 18:07, Aktualitet CNA

Komandanti i lartë i SHBA-së në Irak ka paralajmëruar se lufta kundër të ashtuquajturit Shteti Islamik (ISIS) nuk ka mbaruar, përkundër fitores historike në Mosul. I cituar nga BBC, gjenerali Stephen Townsend ka thënë se ende ka luftëtarë të ISIS-it në Irak dhe se qeveria irakiane duhet të tregoj interesim dhe ta ndihmojë pakicën myslimane të sektit sunit në mënyrë që ta parandalojë ISIS-in nga ripërtërija.

?Nëse dëshirojnë nga parandalojmë ngritjen e ISIS 2.0, atëherë qeverisë irakiane do t?i duhet të bëjë diçka shumë më ndryshe,? ka thënë Townsend. Shumica myslimane e sektit shiia cilësohen si heretikë nga ISIS, i cili është grup islamik suni.

Kryeministri i Irakut, Haider al-Abadi, edhe formalisht e ka shpallur fitoren ndaj ISIS-it, pas kati një beteje nëntëmujore që i la zona të mëdha nën rrënoja, dhe vrau mijëra civilë dhe zhvendosi më shumë se 920.000 persona.

?New York Times? zbulon faktin që lidh djalin e presidentit Trump me skandalin Trump-Rusia

Donald Trump Junior, e dinte se informacioni i ofruar nga avokatja ruse ishte pjesë e një përpjekjeje të qeverisë ruse për të ndihmuar fushatën zgjedhore të babait të tij, raporton ?New York Times?.

Publicist Rob Goldstone, i cili organizoi takimin e vitit 2016, raportohet të ketë deklaruar një gjë të tillë përmes një e-maili. Trump Jr ka mbrojtur takimin, në të cilin avokatja ofroi të zbulojë materiale të dëmshme për Hillary Clinton.

Moska dhe Shtëpia e Bardhë mohojnë se ka pasur ndonjë ndërhyrje politike. FBI dhe Kongresi po hetojnë aktualisht ndërhyrjen e dyshuar të Rusisë në zgjedhjet e vitit të kaluar në SHBA, duke përfshirë edhe atë nëse ndonjë nga bashkëpunëtorët e Presidentit Trump u bashkua me qeverinë ruse për të ndikuar rezultatin.

Donald Trump Jr ka insistuar se avokatja, Natalia Veselnitskaya, nuk ka siguruar “asnjë informatë të rëndësishme” mbi rivalen e babait të tij.

Dhëndri i presidentit, Jared Kushner, dhe kreu i fushatës, Paul J Manafort, ishin gjithashtu pjesë e takimit.

Natalia Veselnitskaya e cila është e martuar me një zyrtar të qeverisë së Moskës, ka mohuar se punon për Kremlinin.

Adam Schiff, demokrat i lartë në Komisionin e Inteligjencës i tha MSNBC se raportin e ?New York Times? e sheh si “një zhvillim shumë serioz”.

“E gjithë kjo kërkon hetim të plotë. Çdokush që ishte në atë takim duhet të dilte përpara komitetit tonë”, shtoi ai.