web counter
LEXO PA REKLAMA!

SHKARKO APP

App Store
Google Play

E fundit!

x

Ndërpret vizitën në Rusi/ Presidenti i Filipineve i shpall luftë Shtetit Islamik

24 Maj 2017, 15:25, Aktualitet CNA

Presidenti i Filipineve Rodrigo Duterte ka shpallur sot gjendjen e luftës në ishullin jugor Mindanao, ku forcat shtetërore të sigurisë po luftojnë me kryengritësit e lidhur me grupin militant “Shteti Islamik” i Irakut dhe Levantit, ka kumtuar zëdhënësi i tij.

Deklarata është bërë ndërsa afër njëqind luftëtarë myslimanë kanë filluar rrethimin e kryeqytetit të ishullit, pas shkëmbimit të përgjakshëm të zjarrit me forcat qeveritare, transmeton agjencia AFP. Në gjithë ishullin është shpallur gjendje lufte, ka thënë zëdhënësi Ernesto Abella në konferencën për gazetarë, të cilën e ka transmetuar TV kombëtare. Abella ka thënë se shpallja e luftës ka hyrë në fuqi menjëherë dhe do të zgjasë gjashtëdhjetë ditë.

Presidenti Duterte, i cili ndodhej në Rusi, e ka ndërprerë vizitën në Moskë dhe është kthyer në Filipine. Gjatë vizitës ai i ka thënë liderit rus Vladimir Putin se Filipinet kanë nevojë për armatim modern për të luftuar kundër ISIS-it dhe se pret përkrahjen e Rusisë, ndërkohë që lidhur me luftimet kundër ISIS-it Putini ka uruar që ato të mbyllen ?me humbje minimale?.

Sikurse Duarte kishte deklaruar më parë një nga prioritetet e udhëtimit të tij në Moskë ishte furnizimi me armatim modern rus, të cilin do të shfrytëzonte në luftë kundër kryengritësve në jug të Filipineve. /Citynews





Lajmet e fundit nga