web counter
LEXO PA REKLAMA!

SHKARKO APP

App Store
Google Play

Nga Mitro Çela/HABERET E MITROS. MOSHA KUR NGRE KANDARI?!

24 Maj 2017, 15:04, Aktualitet CNA

Kohë më parë isha i ftuar në një emision televiziv. Zura vend mes Silvanës  dhe Iris Hajdia. Njera biondinë. Tjetra ezmerkë.Tema e bisedës: Martesat me diferencë mosha.

-Me Ezmerkën kam diferencë dy pesëvjeçarë,- thashë unë.- Pse? Së pari, kur e pikasa Ezmerkën, isha beqar i lashtë. Rreth 33 vjeç.

Së dyti. Problem i natyrës. Vajzat piqen nga ana seksuale shumë shpejt. 15-16 vjeçare. Djemtë piqen më vonë. Por natyra atë që ta jep në një krah ta merr në krahun tjetër. Gratë nga mosha 45 vjeçare humbin aftësitë për të riprodhuar. Kandari i burrit nuk ka kufi. Tre vite më pari, bëri bujë në shtyp historia e një plaku:  76 vjeç kishte lënë me barrë një 17 vjeçare.

-Unë,-tha zonja Hajdia,- e kam  burrin 34 vjeç më të madh. Me dashuri e mora. Me dashuri bëra  një djalë . Kam 10 vjet që jetoj e lumtur. Unë jam 30 vjeçe. Ai ka 64 pranvera.

-Gjë e bukur! Po kandarit?! Thashë unë.

-Demi im, është hamshor. Bëjmë 4 herë në natë seks?

– Urime! Rasti yt është për Gines. Kandari im që ka 67 pranvera, një herë në javë mund të bëjë zarare? Por kur të bëhesh 50 vjeç, Demi do jetë 84. Edhe  viagrat e zbuluara nga Murati  nuk mund të shërbejnë si graso për kandarin burrit!

Dy ditë pas emisionit, më kapi në rrugë një burrë me republikë. Më thotë: ” Katër të shtëna në natë e Demit dhe jotja me një krismë në javë  është fantazi.  Gënjeni por mos kaloni masën.”

Më dha dorën. I dhashë të drejtë për pjesën time. Për Demin nuk tërhiqem…/CityNews





Lajmet e fundit nga