E fundit!

09:56 Politikë

Konferenca dy ditore në Poloni për Rindërtimin e Ukrainës/ Rama mes liderëve pjesëmarrës

Kryeministri Rama do të marrë pjesë në Konferencën për Rin...

Zgjedhjet e 25 qershorit/Ja sa mandate ndajnë partitë në Shkodër sipas votave në dy përballjet e fundit

24 Maj 2017, 13:27, Aktualitet CNA

CityNews po bën një projeksion të rezultatit të zgjedhjeve sipas pjesëmarrjes dhe shifrave zyrtare të vitit 2013. Këto janë të vetmet shifra me të cilat mund të përllogariten votat e çdo force politike, por në kushtet e reja të tërheqjes së partive të vogla aleatë majtas apo djathtas, sërish është më e lehtë për të dalë në një përfundim dhe për të bërë një projeksion të përafërt të rezultatit të zgjedhjeve.

Duke lexuar rezulatet e votave në Qarkun e Shkodrës, rezulton se në zgjedhjet e vitit 2013, lista ka pasur 250 303 zgjedhës dhe fletë të gjetura në kuti 123 751.

Pra, një mandat në Qarkun e Shkodrës shkon rreth 11 246 vota. Në këtë qark, koalicioni i majtë në vitin 2013 ka marrë një total prej 64 306 vota, nga të cilat 12 772 i ka LSI, 6764 i ka PKDSH e Mark Frrokut dhe 2600 vota PDS e Paskal Milos.

Në rastin e një llogaritjeje të thjeshtë të votave të vitit 2013 rezulton se koalicioni i majtë, pa votat e LSI, ka rreth 51 000 vota, të cilat përkthehen në 4 mandate të sigurta.

Në këto zgjedhje, tre partitë kryesore në vend do të kenë përballë edhe një tjetër faktor, siç është deputeti Tom Doshi, i cili do garojë në siglën e partisë social-demokrate (PSD). Duke njohur forcën dhe mbështetjen e tij, mendohet se deputeti e siguron një mandat nën siglën e Gjinushit në Shkodër.

LSI nga ana e saj, në rast se ruan votat e vitit 2013, e ka të sigurt një mandat në tavolinë.

Partia Demokratike dhe aleatët e saj kanë rreth 54 000 vota, ku PDIU duket një aleat i pavlerë dhe në rast se këto vota do t?i pjesëtojmë me numrin që kërkon një mandat, PD ka në tavolinë 4 mandate dhe është afër mandatit të pestë. Për të vendosur këtë në qytetin bastion i demokratëve, do të ndikojë së shumti fryma e fushatës, lista e kandidatëve të opozitës.

Nga 11 mandate që ka Qarku i Shkodrës, 4 ka PD, 4 PS, 1 PSD dhe 1 LSI. Në Shkodër, dy të mëdhenjtë do të luftojnë për mandatin e pestë.

Ky nuk është një rezultat parashikues për zgjedhjet e 25 qershorit, por një projeksion sipas votave të lexuara në vitin 2013. Në rast se LSI do të ketë një rrudhje dhe socialistët do të bien nga votat e tyre, së bashku me aleatët, PD ka shans të sigurojë edhe më shumë mandate në këtë qark.

CityNews iu solli deri më tani projeksionin e rezultateve në qarqet e Korçës, Vlorës dhe Shkodrës. Analiza do vijojë më tej me të tjerë qarqe kryesore në vend, por edhe një rezultat përfundimtar sipas 2013 midis PD, PS, LSI dhe PDIU./CityNews