web counter
LEXO PA REKLAMA!

SHKARKO APP

App Store
Google Play

E fundit!

x

LSI mbledh grate e vajzat/ Gatime tradicionale dhe një koncert

24 Prill 2017, 08:45, Aktualitet CNA

Gatime tradicionale nga duart e grave dhe vajzave dhe një koncert me të rinj e të reja të talentuar. Aktiviteti u organizua nga Njësia administrative nr. 11 në Tiranë. E pranishme ishte Kryetarja e Lëvizjes së Gruas për Integrim, Klajda Gjosha dhe përfaqësues të tjerë të lartë të LSI.

?Nënat, vajzat dhe gratë ashtu siç kujdesen për familjen, ashtu dinë të kujdesën edhe për komunitetin e njëkohësisht ashtu dinë të kujdesen për familjen tonë të madhe që është: Lëvizja Socialiste për integrim. E gjithë LSI jep mesazhin e kujdesit për qytetarët. Kjo është LSI! Nuk është vetëm një parti politike, është një parti që jep frymëzim, dhe që na bashkon të gjithëve. Jam e bindur që me punën tonë ne do të bëjmë shumë dhe do të rritemi akoma dhe më shumë me gjithë këto njerëz që na bashkohen çdo ditë?, u shpreh Gjosha.

Kryetarja e LGI paraqiti edhe disa pika të programit të ri për mbështetjen e gruas. Program ky që synon fuqizimin e rolit të tyre. Ndërsa Sekretari i Përgjithshëm i LSI-së, Endrit Braimllari, theksoi rëndësinë e bashkëpunimit të politikës dhe konsensusit në mënyrë që qytetarët të marrin atë që meritojnë: më shumë mundësi punësimi dhe vende punë të mirëpaguara./Citynews





Lajmet e fundit nga