web counter
LEXO PA REKLAMA!

SHKARKO APP

App Store
Google Play

Thirrja e zv/ministrit të Jashtëm: Punon bota, ne duhet ta marrim seriozisht

24 Prill 2017, 08:28, Aktualitet CNA

Zv/ministri i Jashtëm, Selim Berlotaja në një njoftim në rrjetet sociale ka komunikuar se bota është e gatshme të investojë dhe të ofrojë kantiere edhe në Shqipëri, por duhet të dijmë të kërkojmë projektin, ta definojmë atë dhe më pas t?i lëmë të bëjnë punën.

Ndër të tjera Berlotaja shkruan se në fakt çdo investim dhe projekt i huaj në Shqipëri është i mundshëm, mjafton që ne si vend ta marrim seriozisht.

“Punojnë bota. Ofrojnë kantjere edhe për ne. Në punëra ku ata shkëlqejnë; me supervepra infrastrukture në mbi 50 shtete në 4 kontinente. Perfshi dhe tek fqinjët tanë Serbi e Mal i Zi. Këtë pamë sot si mysafirë tek kompania kineze e rrugëve e urave-CRBC (foto: me zv.presidentin Du Fei). Ç’presin ata nga ana jonë? Së pari, të dimë ç’kërkojmë, pra të definojmë projektin; te percaktojme e shpallim tipin e bashkepunimit (jo thjesht PPP por me detaje e me nivele te pranueshmerisë), të mandatojmë negociuesit tanë dhe pastaj t’i lemë të bëjne punën; pra të mos u ngatërrohemi neper kembe. Të dëshmojmë kompetencë e realizëm edhe në gjetjen e formulës financiare; e ne fund: ..t’i qëndrojmë fjalës e detyrimeve gjatë zbatimit. Me këtë frymë gjendet edhe financimi. Vetë kompania ndihmon. As “garancia sovrane” nuk është pengesë e pakalueshme në se kemi projekt të mirë, garantojmë transparencë dhe fitojmë besueshmëri reciproke si partnerë…Por fillimisht fare-fare duhet të mobilizohemi të gjithë sipas funksionit dhe mbi të gjitha ..ta kemi seriozisht”, përfundon zv/ministri i Jashtëm./CityNews





Lajmet e fundit nga