Ministria hesht/Skema si hyn mielli serb i kafshëve në tregun shqiptar të bukës

24 Prill 2017, 07:56, Aktualitet CNA

Mielli i prodhuar nga gruri serb i papërshtatëshme për të shërbyer si ushqim për njerëzit, por tepër i ushqyeshëm për kafshët, vijon të hyjë sërish në vendin tonë. Fjala është për miellin me protein 9%, që nuk përmban sasitë e duhura të elementeve ushqimore e që nga magazinat sërbe vërshon në Shqipëri, me destinim për prodhimet e brumit që konsumojnë shqiptarët.

Importi i tij nga Sërbia në Kosovë, dhe nga kjo e fundit në Shqipëri, vijon prej vitesh dhe ndonëse Shoqata e Prodhuesve të Miellit, ka bërë disa herë kundërshtim, lidhur me këtë çështje, që sipas saj po vret industrinë vendase, nuk ja ka dalë ti ndryshojë mendjen ministrit lësëist të Bujqësisë, të ndryshojë qëndrim.

Sipas ekspertëve gruri sërb, që garanton prodhimin e miellit me protein 12%, i përshtatshëm për tu përdorur nga njerëzit, nuk preferohet të blihet nga tregtarët kosovarë për shkak të çmimit më të lartë dhe kostove të tjera që ata duhet të përballojnë. Përfaqësues të Shoqatës thane se kjo vjen jo vetëm për shkak të çmimit më të ulët që ka gruri për kafshët, por edhe sepse ngarkesat dhjetra tonëshe të tij hyjnë e dalin pa paguar asnjë lloj detyrimi doganor nga Serbia në Kosovë.

Pasi e bluajnë nëpër mullinjtë e tyre kosovarët prodhojnë miellin me protein 9%, me të cilin furnizojnë jo vetëm tregun e prodhimeve të brumit në Kosovë, por edhe atë shqiptar. Pasi sasi jo të pakta të miellit Kosovar me protein 9% eksportohen drejt Shqipërisë të raportuara si ushqim për kafshë, duke përfituar benificet taksuale, ndërkohë që me të kaluar traun doganor përfundojnë nëpër depo magazinimesh, furra buke e njesi prodhuese embëlsirash për tu përdorur si ushqim për njerëzit.

Praktikë kjo e aplikuar edhe vitet e shkuara, kur, i lejuar prej Ministrisë së Bujqësisë që të futej në Shqipëri kryesisht nga kompania kosovare ?Devolli?, mielli sërb i kafshëve i përzier me atë me rreze 12%, apo qoftë edhe i papërzier, është përdorur për prodhimin e bukës dhe asortimenteve të tjera të brumit, që konsumoheshin nga shqiptarët. Duke rrezikuar shëndetin e konsumatorëve e duke i shkaktuar humbje drastike biznesit të miellit për hatër të çmimit të ulët dhe konkurencës së panderëshme.

Megjithë disa protesta dhe adresimit të një letre dërguar auroriteteve më të larta të shtetit, të cilët i paralajmëronin për mbyllje të industries së prodhimit të miellit, nëse nuk merreshin masa për të ndalur konkurencën e panderëshme të kompanisë kosovare ?Devolli?, asnjë masë nuk u morr në këtë drejtim. Ndaj situata vazhdon të mbetet e pandryshuar duke u bërë suport për të stimuluar përsëritjen e fenomenit . Këtë e pohojnë edhe burime të Shoqatës së Prodhuesve të Miellit që thonë se nuk ka ende asnjë barrierë ligjore që të ndal importin e grurit e miellit serb të kafshëve. /Citynews