web counter
LEXO PA REKLAMA!

SHKARKO APP

App Store
Google Play

E fundit!

x

Ditë e vështirë sot për Ramën/Çfarë shkruan që në mëngjes

24 Prill 2017, 06:26, Aktualitet CNA

Sot në orën 11 të paradites pritet të zhvillohet protesta më e madhe në të gjithë Shqipërinë e thirrur nga opozita shqiptare.

Kryeministri i vendit, Edi Rama pikërisht dje ka bërë thirrje të vazhdueshme ndaj qytetarëve për të mos marrë pjesë në protestë.

Madje si kurrë më parë, vetë Policia e Shtetit në një deklaratë për mediat e quajti këtë protestë të paligjshme dhe i bëri thirrje çdo qytetari që të mos dalë në protestë.

Ndaj sot kryeministri, duket se ka luajtur gurin e fundit. Në një postim të bërë pak minuta më parë në rrjetet sociale, Rama falenderon Policinë e Shtetit për punën e palodhur, si dhe shton se shumë është bërë dhe shumë pritet për tu bërë.

“MIRËMËNGJES ? dhe ju uroj një ditë të mbarë me këtë imazh të një prej “engjëjve mbrojtës” të rregullit në rrugët e vendit ?

Ermela Lika, pasi ka kryer me rezultate të shkëlqyera Akademinë e rilindur të Sigurisë është bërë pjesë e #PolicisëQëDuam bashkë me 888 gratë dhe vajzat me gradë, të cilat i janë bashkuar forcave të rendit tre vitet e fundit.

Mirënjohje dhe respekt për çdo punonjës të Policisë së Shtetit, që me përkushtimin dhe profesionalizimin e saj apo të tij, ka bërë të mundur kthimin e besimit të qytetarëve tek uniformat blu.

Shumë është bërë. Ende më shumë mbetet për t’u bërë. Por edhe shumë ka për të humbur nëse ndalemi sot. Prandaj përpara për #ShqipërinëQëDuam ???? me #Shtet?#Punë?#Mirëqenie’, shkruan Rama./CityNews





Lajmet e fundit nga