web counter
LEXO PA REKLAMA!

SHKARKO APP

App Store
Google Play

Nga Luçiano Boçi/Idiotësi, ku u mbajt fjalimi "epik" krekosës i Ramës

18 Prill 2017, 19:13, Aktualitet CNA

Impianti i sotëm i inaguruar nga Rama, ose më saktë Inceneratori i Elbasanit, është i ndërtuar bashkë me landfillin në fushë-depozitimin e plehrave të ish Kombinatit famëkeq metalurgjik, 3 km larg qytetit.
Dmth plehra mbi plehra dhe mbi të cilat u mbajt dhe fjalimi “epik” krekosës i Ramës.
Me një vendim qeveritar shkel e shko e klientelist, me një subvencion miliardash dhënë një kompanie fantazëm, me kapital 100.000 lekë, e krijuar vetëm pak muaj para fitimit të së drejtës së ndërtimit, me zyra pa telefon në Sky Tower, me leje mjedisore katër muaj pasi kishte fituar projektin, me një teknologji të kapërcyer tashmë (teknologji e 40 viteve me parë, e viteve 1975-1980) inceneratori i Elbasanit mbetet një aferë e pastër korruptive.
I vendosur buzë lumit Shkumbin, asgjë nuk e ndalon atë të afektojë e helmojë ujërat e tij.
Ai bëhet kështu impianti (incenerator + landfill) i parë në botë, i ndërtuar buzë një lumi e në shtrat zallor.
Një idiotësi mjedisore inxhinierike totale!
Përpos kësaj gazrat e çliruar prej tij fare afër qytetit, rikthejnë makthin kancerogjen në Elbasan, duke zevëndësuar kështu me sukses “Çelikun e Partisë” tashmë të fikur prej vitesh.
Kapacitetet e tij djegëse kërkojnë plehra shtesë që do na vijnë me ligjin e ri nga e gjithë Evropa.
Briketat e ardhura, brenda të cilave është ndryrë pa frikë “vdekja” që pret të shpërthejë në mijëra forma, do bëjnë që Elbasani i luleve të bukura tashmë të konsiderohet si Elbasani i briketave të bukura të vdekjes.
Rrjeti i ndërtimit të këtyre inceneratorëve në vendin tonë, përfshi Fierin e Tiranën, vulos përfundimisht kthimin e Shqipërisë në gropën më të madhe depozituese të plehrave të botës./CityNews





Lajmet e fundit nga