web counter
LEXO PA REKLAMA!

SHKARKO APP

App Store
Google Play

E fundit!

x

Meta pret ministrin holandez/Zbardhet takimi

17 Prill 2017, 11:23, Aktualitet CNA

Kryetari i Kuvendit, z. Ilir Meta priti sot Ministrin e Punëve të Jashtme të Vendeve të Ulëta, z. Bert Koenders me të cilin biseduan mbi marrëdhëniet dypalëshe, procesin e integrimit evropian dhe zhvillimet në rajon.

Kryetari i Kuvendit, z. Ilir Meta u shpreh se Holanda përfaqëson një vend domethënës për Shqipërinë brenda Bashkimit Evropian dhe në këtë kuadër Kuvendi i Shqipërisë mirëpret intensifikimin e shkëmbimeve parlamentare, bashkëpunimit qeveritar dhe ekonomik mes dy vendeve.

Pasi shprehu mirënjohjen për mbështetjen holandeze z. Meta ndau bindjen me z. Koenders se procesi i integrimit evropian kërkon përshpejtimin cilësor të reformave të ndërmarra ku reformimi i sistemit të drejtësisë mbetet kryefjalë e angazhimit politik. Në këtë drejtim, theksoi z. Meta, Kuvendi mbetet vendi i dialogut politik dhe i besimit reciprok.

Ministri i Jashtëm i Vendeve të Ulëta z. Koenders shprehu kënaqësinë e vizitës së tij në Tiranë dhe vuri në dukje se BE inkurajon zbatimin e plotë të reformës në drejtësi si dhe krijimin e një klime mirëbesimi dhe kompromisi për organizmin e zgjedhjeve të lira e të ndershme.

Në përfundim Kryetari Meta dhe Ministri Koenders biseduan edhe mbi zhvillimet e fundit në rajon, duke ndarë bindjen se stabiliteti, konsolidimi demokratik dhe integrimi evropian i vendeve të Ballkanit i shërben sigurisë mbarë-evropiane dhe axhendës euro-atlantike të tërë rajonit./CityNews





Lajmet e fundit nga