web counter
LEXO PA REKLAMA!

SHKARKO APP

App Store
Google Play

E fundit!

x

Eduart Ndocaj sulmon qeverinë/Çfarë kuptuam nga arrestimi i 18 zyrtarëve për drogë

17 Prill 2017, 08:39, Aktualitet CNA

Deputeti Eduart Ndocaj, njëherësh kryetar i Partisë Bashkimi Demokristian Shqiptar PBDKSH, ka reaguar për arrestimin e 18 zyrtarëve të lartë, si të përfshirë në trafikun e 8 tonë droge drejt Italisë.

Ngjarja ka ndodhur në muajin shkurt të këtij viti, ndërsa Prokuroria për Krime të Rënda njoftoi sot arrestimin e 18 zyrtarëve, mes tyre punonjës policie në Portin e Durrësit, si dhe doganierë.

Ky lajmi, sipas deputetit Ndocaj, dëshmon qartë se fenomeni i prodhimit të trafikut të lëndëve narkotike është një problem serioz.

Ai i bën thirrje politikës të lërë mënjanë interesat e pushtetit dhe të luftojë pa kompromis prodhimin dhe trafikimin e hashashit.

Ja reagimi:

Lajmet e vazhdueshme për trafikun e drogës janë një imazh i rëndë për Shqipërinë europiane dhe për Shtetin e së Drejtës. Tashmë pas gjithë këtyre kronikave të zeza në lidhje me trafikun e lëndëve narkotike, mendoj se kjo çështje tashmë nuk është propagandë, politikë apo justifikim për kërkim pushteti. Droga tashmë është një fenomen shumë i prekshëm në Shqipëri dhe shifrat tregojnë se ajo po cenon rëndë imazhin e Shqipëri, Shtetin e së Drejtës dhe po godet në themele demokracinë. Politika e sidomos institucionet nuk duhet të bëjnë politik, por duhet të merren seriozisht me luftën dhe parandalimin e prodhimit e trafikimin e lëndëve narkotike.
Ngjarja e Portit të Durrës ku janë arrestuar efektivë të Policisë së Shtetit dhe doganierë dëshmojnë qartë se fenomeni i prodhimit e trafikimit të lëndëve narkotike është tashmë një problem serioz për Shtetin e së Drejtës dhe demokracinë. Informaliteti dhe të ardhura që vijnë nga prodhimi dhe trafikimi i lëndëve narkotike janë një burim serioz për të kompromentuar politikën shqiptar, investimin e partive politike e për pasojë edhe tentativa serioze për të cenuar e manipuluar zgjedhjet. Politika shqiptare dhe institucionet duhet të lënë mënjanë interesat e pushtetit e në zbatim të Kushtetutës e Sistemit të Drejtësisë duhet të luftojnë pa kompromis prodhimin dhe trafikimin e lëndëve narkotike./CityNews





Lajmet e fundit nga