SEKUESTRIMI I PASURISË/ Deputetët rrëzojnë ekspertët, bëjnë ligj për veten

17 Prill 2017, 09:07, Aktualitet CNA

?Pas nenit 449, që vendosi parashkrimin dhe ndalimin e gjykimit për një vepër që ishte shqyrtuar një herë, një amnisti e re po përgatitet nga mazhoranca, e cila kaloi dje ligjin e ri antimafia. Sipas këtij ndryshimi, është tërhequr versioni i SHBA-BE për sekuestrim pasurie edhe të njerëzve të rrethit familjar të nivelit të dytë, kur dihet se në këtë mënyrë i kanë regjistruar pronat shumë prej zyrtarëve dhe tani do të sekuestrohen vetëm pronat e rrethit të bërthamës bazë familjes, pra grua dhe fëmijë?.

Njoftimi i mësipërm, i raportuar paraprakisht nga media, u morr me reservë për vërtetësinë që mbart, ndërkohë që burime të CityNews, pranë Parlamentit e konfirmuan atë. Bëhet fjalë për atë që ka ndodhur në mbledhjen e Komisionit parlamentar të Ligjeve, të mbajtur të premten, në qendër të të cilës ka qenë ligji mbi përgjimet dhe ndryshimet në ligjin Antimafia, tek pjesa e neneve që lidhen sekuestrimin e pasurive të pajustifikuara, apo të fshehura.

Në draftin e hartuar nga ekspertët ndërkombëtarë parashikohet që diapazoni i sekuestrimeve të përfshinte edhe kushërinjtë deri edhe krushqitë e personave që janë pjesë e këtij ligji, pra edhe vetë deputetët. Mirëpo ka ndodhur që në unanimitet përfaqësuesit e maxhoramcës së majtë në këtë Komision e kanë konsideruara si të tepruara parashtresën e ekspertëve ndërkombëtarë dhe duke e rrëzuar versionin e tyre, janë dakortësuar duke e ngushtuar rrethin e personave të qenë në hetim verifikues.

Sipas ligjit ekzistencial parashihej që, në momentin kur një zyrtar dënohet për korrupsion dhe verifikohet që pasuria është vënë në mënyrë kriminale, atij do ti sekuestrohet kjo pasuri, që mund të ekzistonte e regjistruar tek një rreth i gjerë farefisnor.

Më ndryshimet e bëra të premten, anëtarët e Komisionit paramentar të ligjeve, vendosën kufizimin e sekuestrimit dhe të hetimit të pasurive, nga farefisnore e krushqinore, vetëm në nivele familjare, domethenë vetëm tek bashkëshort-bashkëshortet dhe fëmijët. Ka ndodhur kjo ndërsa ligji i hartuar nga ekspertët ndërkombëtarëve parashikon përfshirje në hetim e sekuestrim të pasurive të pajustifikuara edhe të vjehrrit, vjehrrës, xhaxhallarëve, dajallarëve, nipërve, mbesave etj., duke qenë shumë më pranë realitetit shqiptar të funksionimit të skemës së fshehjes së pasurive. Duke e konsideruar të tepërt këtë zgjerim deputetët i kanë hequr këto përcaktime duke ja bërë më të lehtë vetes mundësinë për ti fshehur pasuritë e vendosura në rrugë antiligjore./CityNEWS