web counter
LEXO PA REKLAMA!

SHKARKO APP

App Store
Google Play

E fundit!

x

Foto/Kush është drejtori i policisë që arrestuar për 10 tonët e hashashit

17 Prill 2017, 09:21, Aktualitet CNA

Plot 18 zyrtarë të lartë ranë sot në prangat e policisë, pasi akuzohen se lejuan kalimin e 10 tonë droge drejt Italisë. Në një njoftim zyrtar, Prokuroria e Krimeve të Rënda publikoi emrat e zyrtarëve, mes të cilëve policë e doganierë, si dhe shefi i policisë në Portin e Durrësit, Julian Doraci.

Në foton që shihni, Doraci pozon me drejtorin e Përgjithshëm të Policisë së Shtetit, Haki Çako.
Doraci bashkë me 17 të tjerë akuzohet se ka lejuar kalimin e kamionëve me drogë nga kufiri shqiptar që u zbuluan në Itali.

Rasti i parë ka ndodhur në datën 05.02.2017, kur në Itali u kap një kamion me 8 ton drogë, e cila kishte hyrë në Shqipëri nga Maqedonia nëpërmjet pikës doganore Qafë-Thanë dhe ka dalë nga pika e kalimit kufitar në portin e Durrësit. Për këtë rast, para pak javësh u arrestuan edhe 4 punonjës policie të Qafë-Thanës.

Ndërsa, rasti i dytë ka ndodhur në datën 24.03.2017, kur në Itali u kap një kamion me shofer shqiptar, me rreth 2.2 ton kanabis në bord.

Prokuroria për Krime të Rënda pas informacioneve të marra ka nisur hetimet, nga ku janë siguruar të dhëna, të cilat krijojnë dyshimet e arsyeshme për përfshirjen e zyrtarëve policorë dhe doganorë në trafikun e lëndëve narkotike./CityNews





Lajmet e fundit nga