E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

PD e ndarë për mocion ndaj qeverisë

8 Prill 2017, 07:18, Aktualitet CNA

PD, është e ndarë sa i takon votimit të një mocioni. Gjatë një prononcimi për gazetën ?SOT?, deputeti opozitar, Flamur Noka, ka deklaruar se e vetmja kërkesë e demokratëve është krijimi i qeverisë teknike për të realizuar katër kërkesat e tyre, edhe nuk do të ecin në bazë të broçkullave dhe përrallave që ngre kreu i LIBRA, Ben Blushi. ?Ne nuk merremi me broçkullat e Ben Blushit, ai është pjellë e asaj mazhorance, është i njëjtë si Rama. Ne kërkojmë me çdo kusht qeverinë teknike me qëllimin e vetëm për të garantuar zgjedhje të lira edhe të ndershme, ndryshe ne nuk hyjmë në zgjedhjet e 18 qershorit?, deklaroi Flamur Noka.

I pyetur se nëse Rama do të kishte gati emrat e qeverisë teknike, do të votoheshin ose jo nga opozita, Noka u shpreh se në asnjë mënyrë opozita nuk do ta pranojë diçka të tillë sepse nuk do që qeveria teknike të zgjidhet prej Ramës, por nga të gjitha palët politike. ?Në asnjë mënyrë nuk do ta pranonim diçka të tillë. Qeveria teknike do të jetë pa Ramën dhe pa idetë e tij se kush ose jo mund të jetë ministër në qeverinë e re. Vetëm në këto kushte, ne do të pranojmë diskutimin dhe bisedimet për një qeveri teknike?, është shprehu deputeti i Partisë Demokratike.

Mendim të kundërt nga Flamur Noka ka dhënë deputeti demokrat, Bedri Hoxha, i cili tha se çdo veprim që të çon në largimin e Ramës nga posti kryeministrit ne do ta pranojmë. ?E rëndësishme është që Rama të mos jetë kryeministër. Pse jo edhe mocionin e mosbesimit do ta pranonim vetëm nëse ndodh kjo gjë. Është njësoj sikur të thuash që do ta dënojmë me dënim me vdekje apo dënim me varje, por thelbi është vdekja dhe dënimi. Ndërsa për sa i përket pyetjes nëse do të pranonim për diskutim një qeveri të re të propozuar nga Edi Rama, mund të them që kurrsesi nuk mund të pranohej, sepse Rama nëpërmjet qeverisë së tij ka kapur procesin zgjedhor për zgjedhjet e 18 qershorit. Ka nxjerrë prej burgu persona të cilët do të terrorizojnë zgjedhjet parlamentare të mbështetur nga policia e shtetit?, është shprehur Bedri Hoxha.

Ndërsa deputeti Myqerem Tafaj deklaroi se Partia Demokratike nuk mund të pranojë mocionin e mosbesimit pa e rrëzuar qeverinë Rama, kjo mund të bëhej pas krijimit të qeverisë teknike. ?Mocioni mosbesimit është i mundur vetëm pas krijimit të qeverisë teknike, atëherë ne mund ta realizojmë një gjë të tillë duke e quajtur qeverinë Rama si të pabesuar për shqiptarët dhe për garantimin e zgjedhjeve të lira edhe të ndershme?, deklaroi deputeti i Partisë Demokratike, Myqerem Tafaj. Ndërkohë, ai u shpreh se qeveria teknike nuk duhet të ketë si faktor propozues Edi Ramën, por gjithçka do të zgjidhet me shumicë të gjerë politike.