web counter
LEXO PA REKLAMA!

SHKARKO APP

App Store
Google Play

E fundit!

x

Ja skenarët pas 10 prillit/Nëse PD nuk regjistrohet në zgjedhje LSI kalon në opozitë

8 Prill 2017, 07:08, Aktualitet CNA

Situata politike në Shqipëri sa vjen edhe tensionohet. Teksa na ndajnë dhe rreth 2 muaj nga zgjedhjet e 18 qershorit, palët vijojnë të kenë qëndrime të ndara dhe rrezikohet një krizë e vërtetë politike. Ditët e fundit, kryeministri Edi Rama është shprehur i hapur për dialog me opozitën, por lideri i saj, Lulzim Basha, i trembet një gjëje të tillë, pasi ka frikë se bëhet fjalë për një komplot që PD të dalë nga çadra. Për këtë arsye, ai e ka bërë të qartë se nuk futet në zgjedhje dhe afati për partitë që të regjistrohen është data 10 prill. Por çfarë pritet të ndodhë pas 10 prillit? Gazeta Sot shkruan se, nuk përjashtohet mundësia që PS dhe LSI të shkojnë të ndara në zgjedhje, duke prishur koalicionin. Kreu i Kuvendit, Ilir Meta, dy ditë më parë, deklaroi se nuk është për zgjedhje pa opozitën, por nuk e mohoi që LSI do shkojë më 18 qershor dhe fakti është se LSI tashmë është regjistruar në KQZ, që do të thotë se nga ana ligjore ajo shkon më 18 qershor.

Por Meta ka deklaruar ditët e fundit se mund të largohet nga koalicioni me PS nëse nuk zgjidhet situata politike dhe nuk përjashtohet mundësia që PS dhe LSI të futen të ndara në zgjedhje. Sipas informacioneve, palët kanë nisur përgatitjet.

Si LSI dhe PS në bazë kanë shpërndarë një urdhër ku kërkojnë që të lihen sulmet ndaj njëri-tjetrit, por duhet të punohet që të merren sa më shumë vota nga PD dhe të shkrihen madje dhe organizatat e saj. Pra në një farë mënyre ka nisur një rivalitet PS-LSI që kush e kush të marrë më shumë vota nga PD. Sinjalet janë që LSI mund të jetë partia që do zëvendësojë PD në zgjedhje dhe PS-LSI ta garojnë përballë njëra-tjetrës.





Lajmet e fundit nga