web counter
LEXO PA REKLAMA!

SHKARKO APP

App Store
Google Play

Zbulohet sasia e madhe e drogës në gomonen e Zvërnecit/Kapen 6 trafikantët (Emrat-Video)

27 Shkurt 2017, 08:11, Aktualitet CNA

Detaje të reja janë zbardhur nga gomonia e bllokuar natën e kaluar në Zvërnec. Policia ka sekuestruar 900 kg lëndë narkotike, një gomone dhe dy automjete. Ndërkohë, nga aksioni i gjerë policor janë kapur dhe 6 trafikantët, të cilët arritën të largoheshin një natë më parë.

Lënda narkotike me peshë totale prej 900 kilogramë u gjet rreth 50 m larg bregut të detit, e paketuar nëpër pako me peshë 15-30 kg secila, me mbështjellje natribani.

Policia ka arrestuar në flagrancë 6 autorë:

1- Eduart Grabova, 39 vjeç, banues në fshatin Babicë e Madhe.
2- Redjan Hasanaj, 28 vjeç, banues në Vlorë.
3- Napolon Arshiaj, 27 vjeç, banues në fshatin Lepenicë.
4- Ilir Qejvani, 24 vjeç, banues në Vlorë.
5- Jani Bajramaj, 24 vjeç, banues në fshatin Lukovë.
6- Eduart Abazi, 49 vjeç, banues në Vlorë.

Katër personat e parë (Grabova, Arshiaj, Hasanaj dhe Qejvani), u arrestuan nga Policia në momentin kur tentuan të ngarkonin lëndën narkotike në gomone, në vendin e quajtur “Hunda e plakut”, vend në të cilin kishin transportuar pakot me lëndë narkotike nëpërmjet dy automjeteve Benz me targë AA 252 DK dhe Toyota me targë AA 354 MK.

Mjeti lundrues u largua menjëherë sapo ndjeu ndërhyrjen e forcave të policisë nga toka dhe në tentativë për t’i shpëtuar ndjekjes, u bllokua nga Policia Kufitare dhe GdF pak minuta më vonë në Gjirin e Portonovës, Zvernec.

Mjeti lundrues, ka përmasat prej rreth 6 m gjatësi, 2.4 m gjerësi dhe me 1 motor 75 Ç.
Mbi bazën e këtij operacioni, gjatë ndjekjes së vazhdueshme të bashkëpunëtorëve të kësaj lënde narkotike, Policia ka bërë të mundur kapjen e pilotit të gomones dhe ndihmësit të tij (Bajramaj dhe Abazi), të cilët u arrestuan pas 8 orë ndjekjesh në pyllin e fshatit Pish Poro.

Vijojnë hetimet për kapjen e personave të tjerë të implikuar dhe dokumentimin e plotë të kësaj veprimtarie kriminale./CityNews


Sekuestrohen 900 kg kanabis ne Zvernec by news-al





Lajmet e fundit nga