U dashuruan përmes FB-së nga dy skajet e botës

26 Shkurt 2017, 22:50, Aktualitet CNA

Dy të rinjtë filluan komunikimin miqësor, para se të binin në dashuri. Ata biseduan edhe përmes “Skype”-it. Pas bisedave të shumta, Michael shkoi te Rebecca në Plimuth, në shtator të vitit 2016, me ç’rast kaluan tri javë së bashku, duke bërë një vizitë të shkurtër në Amsterdam,raporton Gazeta Kosova Sot

Kërkesat e personave të panjohur për miqësi në ‘Facebook’ mund të jenë të mërzitshme, por për një adoleshente, një kërkesë e tillë kishte fuqi për ndërrimin e jetës. Rebecca Luff, 18 vjeçe, nuk e njihte Michael Young-un kur ai ia bëri rastësisht kërkesën për miqësi, dy vjet më parë. Vetëm një detaj i vogël kishte rëndësi – djali 25 vjeçar jetonte në Adelaide, Australi.

Duket sikur janë bërë për njëri-tjetrin Kështu, dy të rinjtë filluan komunikimin miqësor, para se të binin në dashuri. Ata biseduan edhe përmes “Skype”-it. Pas bisedave të shumta, Michael shkoi te Rebecca në Plimuth, në shtator të vitit 2016, me ç’rast kaluan tri javë së bashku, duke bërë një vizitë të shkurtër në Amsterdam. Ja si e përshkruan Rebecca takimin e tyre të parë: “Kur u takuam për herë të parë, mu duk sikur ta kisha njohur gjatë tërë jetës. Aspak nuk ndiheshim në siklet. Kur filluam të komunikonim, kurrë nuk kisha besuar se gjërat do të bëheshin kaq serioze. Çifti, që tani janë duke u takuar që nga 3 tetori i vitit të kaluar, duket se janë si të bërë për njëritjetrin.

“Jam tepër e eksituar” Pas një ndarjeje prej gati 5 muajsh, Rebecca, e cila punon për kompaninë e sigurimit ‘TH March’, do të marrë tre muaj pushim pa pagesë, për të shkuar dhe për të qëndruar me Michael-in në Australi. Ja çka thotë ajo: “Jam tepër e eksituar që, përfundimisht do të shkoj dhe t’i vizitoj vendet për të cilat ai më ka folur aq shumë dhe, natyrisht, të takohem me familjarët dhe miqtë e tij. Nuk është se unë nuk kam folur me familjarët dhe miqtë e tij me anë të internetit, por kjo do të jetë hera e parë që do t’i shoh sy më sy”. Çifti ka bërë plan që të udhëtojnë nëpër Australi, meqë Rebecca me të vërtetë dëshiron që ta vizitojë plazhin ‘Bondi’. “Do të ishte dëm po të mos e vizitoja këtë vend, pasi që do të bëj një udhëtim kaq të gjatë”, thotë ajo. Sa i përket të ardhmes, që të dy ata e dinë se do të vijë dita kur njërit prej tyre do t’i duhet “t’i mbledhë çaklat” për t’u larguar në mes të botës, me qëllim që të jetojnë bashkë./Kosova Sot