Nga Kastriot Myftaraj/ E pabesueshme, Knut Fleckenstein zotëron vetëm diplomën e shkollës së mesme!

27 Shkurt 2017, 09:39, Aktualitet CNA

E pabesueshme! Reporteri për Shqipërinë në Parlamentin e BE, z. Knut Fleckenstein, zotëron vetëm diplomën e shkollës së mesme!

Gjermani Knut Fleckenstein, duke pasur detyrën e reporterit për Shqipërinë në Parlamentin e Bashkimit Europian, shihet nga shqiptarët si një njeri i dijshëm dhe kushedi sa i shkolluar. Shqiptarët do të habiteshin shumë nëse do të mësonin se z. Fleckenstein zotëron vetëm diplomën e shkollës së mesme (Abituri i Gjimnazit Oberalster në Hamburg).

Më vonë, z. Fleckenstein bëri një Ausbildung, që do të thotë një kurs i kryer drejtpërdrejt në praktikë, për t? u përgatitur për të kryer një punë, në përfundim të të cilit personi jep provimin për të fituar një dëshmi për këtë gjë. Ausbildung quhet në anglisht Apprenticeship. Z. Fleckenstein u përgatit si Bankkaufman, që në anglisht do të thotë: bank teller, dhe që në shqip do të thotë: personi që punon në sportelet e bankës. Shkurt, z. Fleckenstein është një proletar banke!

Ky është shkollimi i z. Fleckenstein.
Nëse dikush pyet se si ndodhi që ky zotëri u bë politikan i rangut europian përgjigjia është: Z. Fleckenstein i përket Partisë Social-Demokrate Gjermane, e cila mbahet si parti e punëtorëve. Për shkak të ekuilibrave të brendshme të partisë shumë njerëz të rangut të z. Fleckenstein bëhen deputetë, madje edhe ministra.

I tillë është rasti i ish-kryetarit të Parlamentit të BE, socialdemokratit gjerman Martin Schulz, i cili në zgjedhjet e këtij viti në Gjermani do të kandidojë përballë Merkel. Z. Schulz nuk ka madje as një diplomë të shkollës së mesme, pasi nuk e ka përfunduar atë. Që nga mosha 20 vjeç ai punoi si librashitës. Që nga viti 1992 ai kishte dyqanin e tij të shitjes së librave në të cilin punoi deri në vitin 1994, në moshën 39 vjeç. Në 1994 braktisi punën e librashitësit sepse u zgjodh anëtar i Parlamentit Europian nga Partia Socialdemokrate, si përfaqësues i klasës punëtore. Që atëherë është zgjedhur vazhdimisht deputet në Parlamentin Europian. Në 2012 u bë Kryetar i Parlamentit Europian. Këtij sharlatani të çuditshëm që praktikisht mban vetëm diplomën e shkollës fillore, i takoi të merret me probleme shumë të rëndësishme në kohën e krizës financiare më të rëndë që ka kaluar Europa, problem për të cilët flet me kurajë të madhe, pa kuptuar asgjë prej tyre. Për t? i dhënë vetes hije intelektuale Martin Schulz thotë se lexon librat e Erich Hobsbaëm, një historian dhe studiues i shkencave politike, i adhuruar nga Soros. Librat e Hobsbaëm përhapen nga fondacionet e Sorosit në botë, dhe kështu ka ndodhur edhe në Shqipëri.

Z. Fleckenstein dhe z. Schulz i përkasin së njëjtës parti, asaj Social-Demokrate Gjermane.
Meqënëse sipas ndarjes përpjestimore të pushtetit në Bruksel dhe në Strasburg, kjo parti fiton të drejtën që të marrë shumë poste, për të kënaqur të gjitha grupimet në parti, ua jep ato edhe njerëzve të tillë si z. Fleckenstein. Dhe kështu ndodhi që ky zotëri u bë reporter për Shqipërinë në Parlamentin Europian. Është mungesë totale serioziteti nga ana e një shteti të madh dhe serioz si Gjermania, që të përfaqësohet me njerëz të tillë, qoftë edhe për shkak të një kombinimi të politikës së brendshme gjermane./CityNews