web counter
LEXO PA REKLAMA!

SHKARKO APP

App Store
Google Play

Elvis Rroshi nis betejën kundër Ramës/ Shfuqizo vendimin e KQZ për shkarkimin!

27 Shkurt 2017, 08:51, Aktualitet CNA

Gjykata Kushtetuese pritet të shqyrtojë nesër kërkesën e Elvis Rroshit, i cili kërkon shfuqizimin e vendimit të Qeverisë dhe KQZ për shkarkimin nga detyra. Elvis Rroshi vazhdon të ushtrojë detyrën si kryebashkiak i Kavajës pa mandat, pasi i është hequr në kuadër të ligjit të dekriminalizimit.

Ka qenë avokati i tij, Theodhori Sollaku, i cili ka depozituar në Kushtetuese ankimimin për vendimin e shkarkimit.

?Kërkesa ka të bëjë me vendimmarrjen e institucioneve që detyruan Këshillin e Ministrave për të shkarkuar kryetarin e Bashkisë, kryesisht nga procedurat e KQZ u spikat momenti që detyrimi i KQZ ka qenë të administronte vendimet e formës së prerë zyrtarisht, dosje, gjë që nuk e ka bërë. Në të kundërt mbrojtja dhe vetë kryetari i Bashkisë ka depozituar aktet zyrtare të autoriteteve të huaja që ai është i padënuar penalisht. Së dyti kemi kundërshtuar vendimin e Këshillit të Ministrave, një vendim që bie ndesh me parimet e Konventës Europiane të të Drejtave të Njeriut dhe veçanërisht me Kushtetutën shqiptare. Kemi argumentuar se sanksionet që parashikon ligji për dekriminalizimin janë natyrisht penale dhe si të tilla nuk mund të kenë kurrsesi fuqi prapavepruese?, argumentoi Sollaku në një prononcim për mediat.

Rroshi është një nga zgjedhurit e parë që u ?kap? nga ligji për dekriminalizimin, i miratuar dhjetorin e vitit të shkuar me shumicë votash nga mazhoranca dhe opozita.

Rroshit iu hoq mandati nga KQZ-ja me kërkesë të Prokurorisë, sipas të cilës, ai kishte fshehur një dënim për përdhunim në Itali në fillim të viteve ?90. Për vendimin e KQZ reagoi edhe ambasada amerikane në Tiranë, sipas të cilës ky rast është paralajmërim për të gjithë ata të inkriminuar që mendojnë të kandidojnë në zgjedhjet e ardhshme parlamentare të 18 qershorit./CityNews





Lajmet e fundit nga