web counter
LEXO PA REKLAMA!

SHKARKO APP

App Store
Google Play

E fundit!

x

Edi Rama po dëbon Ilir Metën!

8 Shkurt 2017, 08:31, Aktualitet CNA

Përplasjet PS-LSI kanë dy emra, ata janë Edi Rama dhe Ilir Meta, të tjerët janë thjesht instrumenta që ata përdorin politikisht kundër njëri ? tjetrit.

Kreu i qeverisë po jep mesazhe të forta se nuk e do më Metën në qeveri dhe koalicion paraelektoral. PS ka zhvilluar disa sondazhe dhe pretendon se pa Metën fiton 71 mandate.

Rama kërkon që të ketë numrin e nevojshëm për qeverinë dhe më pas të fillojë negociata me parti të tjera të vogla që mund të dalin nga koalicioni i PD ose LSI. PAA e Dukës dhe Nard Ndoka mund ti bashkohen Edi Ramës në rast se ai ka 71 mandate bashkë me PDIU dhe disa parti të tjera të vogla.

Rama fillimisht afroi PDIU në qeverisje, dhe pretendon që kjo forcë të shtojë mandatet në Elbasan, Fier, Tiranë, Vlorë dhe Durrës. Kjo lëvizje e tërboi jo pak Ilir Metën, i cili në fakt i donte çamët nën kontrrolll për të dalë me një koalicion të fortë jashtë PS-së në zgjedhjet e 18 qershorit.

Më tej kreu i qeverisë shkarkoi një nga zërat kritikë në qeveri siç ishte Ylli Manjani. Përgjigjen më të sinqertë e tha Luan Rama, ?O do ikte Ylli, ose kryeministri?. LSI për shpirt e çonte Edi Ramën në shtepi por e kishte të pamundur dhe u detyrua të ulë kokën. Ilir Meta mori mesazhin e dytë, ose ri në koalicion me rrregulla ose largohu.

Mesazhi i tretë erdhi nga një sondazh publikuar në Top-Channel, një sondazh mekanik, që më shumë se Metën ndaj të cilit ishte drejtuar mesazhi, trembi Lulzim Bashën. PS tregonte se fitonte e vetme 71 mandate në zgjedhje.

Së fundi ka zëra se koalicioni PS-LSI mund të jetë në momentet e tij të fundit dhe Ilir Meta po kërkon të dalë në koalicion me disa parti të tjera. Por kjo lëvizje i ul gati gjysmat e mandateve që mund të fitonte me PS. Çdo humbje vjen për shkak të sistemit dhe Ilir Meta e di këtë, ashtu siç e di edhe Edi Rama, që po pëpriqet ta dëbojë ?me qetësi dhe dashuri? Ilir Metën, për ta dobësuar. I larguar vetë nga qeverisja dhe koalicioni ai është më i sulmueshëm si përçarës dhe i përdorur nga Berisha. Nga ana tjetër çdo kosto PS e faturon tek mungesa e mbështetjes nga LSI dhe korrupsioni i ministrave të saj të dështuar në infrastrukturë, bujqësi, mjedis, integrim dhe drejtësi.

Prandaj Edi Ramës i intereson të largojë Metën dhe të shkojë me PDIU në zgjedhje ku do tentojë mbi 71 mandate i vetëm, por edhe në rast se Ilir Meta nuk largohet skenari i kreut të qeverisë është sigurimi i 71 mandateve me çamët e Shpëtim Idrizit. Brenda apo jashtë koalicionit me LSI, Rama kërkon numrin minimal për formimin e qeverisë, me këtë numër ai ?kërcen? ndryshe politikisht, Ilir Meta defaktorizohet më tej dhe bashkëpunimi me PD e dëmton elektoralisht por edhe bashkëpunimi në qeverisje më tej ka të tjera kushte. Me 71 mandate të sigurta kushtet i vendos Rama, pa folur që me pazaret e parlamentit të sigurojë më shumë mandate dhe LSI-në ta ketë në qeveri për fasadë./Citynews





Lajmet e fundit nga