E fundit!

10:12 Politikë

Vrasja e efektivit në Maliq/ Lamallari: Dënoj aktin e rëndë, Shqipëria humbi një shërbëtor të ligjit

Ministri i Brendshëm, Besfort Lamallari shprehu humbjen e ...

Denoncimi në Stop/ Pezullohet shefi i Grupit Operativ dhe elektricisti

7 Shkurt 2017, 21:35, Aktualitet CNA

OSHEE ka reaguar pas denoncimit në emisionin ?Stop?, ku dy punonjës të kompanisë favorizuan një biznes debitor në këmbim të parave.

Përmes një deklarate për mediat, OSHEE njofton se ka pezulluar nga detyra shtetasin F.Beshi me pozicion Shef Grupi Operativ dhe H.Nika me pozicion elektricist.

Reagimi i plotë i OSHEE

REAGIMI I OSHEE PËR MATERIALIN E PUBLIKUAR NGA EMISIONI INVESTIGATIV ?STOP?

Operatori i Shpërndarjes së Energjisë Elektrike ndoqi me vëmendje rastin e denoncuar mbrëmjen e së martës në emisionin investigativ ?STOP? në Televizionin Klan, ku u pretendua se dy punonjës të kompanisë favorizuan një biznes debitor në këmbim të parave.

OSHEE kreu menjëherë identifikimin e personave të shfaqur në video dhe mori masën e pezullimit nga detyra për shtetasin F.Beshi me pozicion Shef Grupi Operativ dhe H.Nika me pozicion elektricist.

OSHEE do të ndjekë të gjithë hapat ligjore me depozitimin e materialeve në organin e akuzës me synim zbardhjen e plotë të asaj çka u transmetua në emisionin investigativ. Paralelisht, do të kryhet verifikimi i subjektit privat i cili u pretendua të jetë favorizuar nga dy punonjësit e lartpërmendur për rilidhjen e energjisë në shkelje të ligjit.

Sakaq, Operatori i Shpërndarjes së Energjisë Elektrike falenderon emisionin investigativ ?STOP? për këtë denoncim ashtu sikurse inkurajon median që të kontribuojë maksimalisht në përpjekjen e kompanisë për të ndëshkuar çdo punonjës që kryen veprime antiligjore.

OSHEE shpreh vendosmërinë për të mos toleruar asnjë rast abuzimi nga punonjësit apo abonentët ndërsa insiston se ligjshmëria në konsumin e energjisë elektrike është një detyrim për çdo abonent biznes apo familjar qoftë ai.