web counter
LEXO PA REKLAMA!

SHKARKO APP

App Store
Google Play

Haradinaj të enjten para gjykatës franceze

7 Shkurt 2017, 21:20, Aktualitet CNA

Ish-kryeministri i Kosovës dhe njëkohësisht kryetari i AAK-së, Ramush Haradinaj, do të dalë të enjten sërish para gjykëtës së Colmarit në Francë.

Përmes një postimi sot në rrjetin social Facebook, avokati i Haradinajt, Aranit Koçi, thekson se kërkesa e Serbisë për ekstradimin e Haradinajt është politike dhe se ai do të kthehet në Kosovë.

?Pasnesër prej orës 14.00 në Colmar, do të shqyrtohet kërkesa e Serbisë, për ekstradimin e Haradinajt. Pse duhet Ministrja e Drejtësisë, Kryeministri dhe Ministri i Punëve të Jashtme, në kontinuitet të deklarohen në media, për këtë çështje? Mos të harrojmë se Aleksandar Vuçiç ka qenë Ministër për Informacion në kohën e Millosheviqit dhe Ivica Daçiç ka qenë zëdhënës i partisë SPS. Pushtetarët serb nuk do t?ia falin kurrë Haradinajt, anagazhimin e tij për pavarësinë e Kosovës dhe luftimin e politikës gjenocidale të pushtetit të Millosheviçit. Kërkesa për ekstradim është e pabazuar, madje një keqpërdorim i rëndë i të drejtës ndërkombëtare nga ana e Serbisë. Haradinaj është liruar nga Tribunali i Hagës dhe të gjitha pretendimet e Serbisë janë reciklim i atyre akuzave. Ramush Haradinaj do të kthehet.
Asgjë s?e ndalë?, shkruan avokati Koçi.

Kreu i AAK-së, aktualisht ndodhet në Francë, në lirim me kusht, mbi bazën e një procesi që po zhvillohet ndaj tij nga autoritetet franceze, bazuar në një urdhër-arrest të lëshuar nga Serbia përmes Interpolit. Haradinaj u ndalua nga autoritetet franceze në 4 janar, në aeroportin e Bazelit.





Lajmet e fundit nga