web counter
LEXO PA REKLAMA!

SHKARKO APP

App Store
Google Play

LSI nis blerjen e socialistëve

7 Shkurt 2017, 16:56, Aktualitet CNA

Me afrimin e fushatës elektorale të zgjedhjeve të 18 qershorit, partitë politike nisin organizimet dhe aksionet për afrimin e sa më shumë votave.

LSI duket se ka nisur një strategji të re në prag të fushatës. Vitet e kaluara, forca politike e drejtuar nga Ilir Meta, ka synuar qytetarë të thjeshtë, të cilët të blerë ose jo, kanë votuar për LSI.

Por, zgjedhjet e vitit 2017 do të jenë një sprovë e rëndësishme për kryetarin Meta, i cili, sipas lajmeve të hedhura në treg, pretendon postin e kryeministrit.

Burimet i thanë CityNews se në disa zona në Tiranë, LSI ka nisur blerjen e kryetarëve të organizatave socialiste, kryesisht atyre të zhgënjyer, të papunësuar apo të lënë në harresë nga PS.

Të njëjtat burime theksuan se drejtues të LSI i kanë ofruar kryetarëve socialistë vende pune për të ndryshuar ngjyrim politik dhe për të qenë në shërbim kryetarit Ilir Meta.

Me blerjen e kryetarëve të organizatave, LSI jo vetëm që forcon pozitat e saj sepse personat në fjalë kanë të paktën 10-20 persona në organizatë tek të cilët mund të ndikojnë, por nga ana tjetër dobësojnë ndjeshëm Partinë Socialiste.

Kryetarët e PS të disa njësive në Tiranë janë në dijeni të largimit të kryetarëve të organizatave, por të pafuqishëm për të ndërhyrë duket se i kanë lënë rrugë të lirë LSI-së të bëj pazar në bazën socialiste.

Kjo duket të jetë një lëvizje taktike e Metës për ti rrëmbyer Partisë Socialiste njerëzit që kanë punuar prej vitesh në këtë forcë politike, por të zhgënjyer dhe të harruar nuk po i rezistojnë ofertave të LSI.

Me premtime punësimi apo ndoshta ndonjë premtim me para në dorë, shumë kryetarë socialistë janë larguar dhe pritet të largohen nga PS për t?iu bashkuar aleatëve të deritanishëm./CityNews





Lajmet e fundit nga