web counter
LEXO PA REKLAMA!

SHKARKO APP

App Store
Google Play

E fundit!

x

Vodhën me dhunë e armë shokun/ Policia zbardh ngjarjen, ja autorët

7 Shkurt 2017, 15:54, Aktualitet CNA

Policia e Tiranës ka zbardhur ngjarjen e ndodhur ditën e sotme, ku një 17-vjeçar u dhunua e kërcënua nga shokët e tij. Ngjarja ka ndodhur në pjesën e pasme të Pallatit të Sportit “Asllan Rusi”, në rrugën “Ali Kolonja”, ku tre shtetas kanë vjedhur me dhunë, si dhe nën kërcënimin e armëve të ftohta shtetasin R. Z., 17 vjeç, banues në Tiranë,

Nga hetimet e para hetimore është bërë i mundur identifikimi i autorëve.
Në orët e vona të natës të datës 06.02.2017, është bërë i mundur arrestimi në flagrancë i njërit prej autorëve, shtetasi Ertis G., 17 vjeç, banues në Tiranë, si dhe u shpallën në kërkim dy bashkëpuntorët e tij.
Ditën e sotme, më datë 07.02.2017, është bërë e mundur kapja e dy bashkëpuntorëve të tjerë, më konkretisht, shtetasve:
– Kastriot C., 17 vjeç, banues në Tiranë
– Sergjio Z., 17 vjeç, banues në Tiranë
Këta shtetas në bashkëpunim me njëri tjetrin, dyshohen se kanë kryer vjedhjen me dhunë duke e goditur me grushta, si dhe nën kërcënimin e një arme të ftohtë si ajo e thikës dhe më pas i kanë marrë shtetasit R. Z., portofolin ku në brendësi të tij, kishte shumën monetare prej 1250 eurosh dhe 2000 lekësh.
Nga intervistimi i kryer, të miturit kanë pranuar kryerjen e këtij veprimi dhe po punohet për gjetjen dhe sekuestrimin e shumës monetare.
Materialet proceduriale iu kaluan Prokurorisë pranë Gjykatës së Shkallës së Parë Tiranë, për veprën penale “Vjedhje me dhunë” e kryer në bashkëpunim, parashikuar nga Neni 139-25 i Kodit Penal./CityNews





Lajmet e fundit nga