E fundit!

11:27 Aktualitet

Ç’punë kanë çunat e Albinit në protestat e Shqipërisë?

Në protestat e zhvilluara gjatë këtyre ditëve në Tiranë ja...

Ylli Manjani sulmon Edi Ramën/ Themeloi PD, është në krye të PS

7 Shkurt 2017, 12:05, Aktualitet CNA

Ish-ministri i Drejtësisë, Ylli Manjani, ka reaguar përmes një statusi në rrjetet sociale në lidhje me koalicionin PS-LSI. Ai nënvizon se ka qënë dhe do të jetë mbështetës i së majtës së bashkuar, duke e argumentuar me faktin se nuk është faji i të majtëve, të cilët drejtohen keq. Me një gjuhë të shpenguar , ai sjell në fokus çështjen e kanabisit dhe sesi drejtohet kjo qeveri. Në këtë status, Manjani hedh shashkën e radhës, duke thënë se nuk kanë faj të majtët pse Edi Rama (themelues i Partisë Demokratike, në krye të PS) dhe Ilir Meta (themelues i Partisë Socialiste, por jo më në PS), kanë pikëpamje të ndryshme për drejtimin e shtetit.

?Përshëndetje,

Cilido që tek qëndrimet e mia të drejtpërdrejta sheh arsyen, shkakun apo alibinë e ndarjes së koalicionit të majtë, e ka GABIM!

Kam qenë, jam e do të jem mbështetës i të majtës së bashkuar. Nuk është faji i të majtëve që drejtohen keq!

Nuk mund të ndëshkohet e majta, pse qeveria e tyre qeveris me koncension (teori e praktikë e djathtë kjo).

Nuk është faji i të majtëve pse qeveria, varfërinë e lufton me burgosjen e të varfërve!

Nuk është fare faji i të majtëve që qeveria nuk i hap telefonin hallexhiut!

Nuk kanë asnjë kusur të majtët, kur qeveria shkel ligjet dhe dhunon Kushtetutën!

Nuk e ka në edukatën e tij i majti antiligjin!

Nuk kanë faj të majtët që qeverisen me të njëjtat metoda si të djathtët! Dallojnë vetëm emrat.

Nuk është faji i të majtëve pse vendi kanabizohet. Nuk e bëjnë të majtët vendin Hashash! E bën thjesht qeveria e keqe që i shërben trafikut të paligjshëm.

Nuk është faji i të majtës pse demokracia po rrudhet, liria e shprehjes apo edhe e drejta e pronës shkelet! E majta shqiptare është zemra e demokracisë!

Më në fund, por jo për nga rëndësia, nuk kanë faj të majtët pse Edi Rama (themelues i Partisë Demokratike, në krye të PS) dhe Ilir Meta (themelues i Partisë Socialiste, por jo më ne PS) kanë pikpamje të ndryshme për drejtimin e shtetit!

Të majtët gjithnjë kanë konkuruar dhe debatuar me njëri-tjetrin!

Jam që e majta të bashkohet edhe më shumë, sepse vetëm kështu do largohet e keqja prej nesh, prej qeverisë dhe prej shtetit tonë të përbashkët.

Vazhdoj ti uroj koalicionit “shërim të shpejtë”!?, përfundon ai. /CityNews