web counter
LEXO PA REKLAMA!

SHKARKO APP

App Store
Google Play

I dënuari për përdhunim e trafik droge, organizon koncert për fëmijë

7 Shkurt 2017, 14:09, Aktualitet CNA

Deputeti i Partisë Demokratike, Eduard Halimi, deklaroi se shteti dhe ligji kanë rënë me mbajtjen e Elvis Rroshit në detyrë nga Edi Rama.

Sipas Halimit, i dënuari për përdhunim në grup, Elvis Rroshi, shpërndan afishe dhe sot në Kavajë, organizon Festivalin e Këngës për Fëmijë.

Halimi shprehet se këtu nuk ka ligj, Kushtetutë, legjislacion të zbatueshëm, sepse nuk do një njeri, Edi Rama.

Ja deklarata e plotë e Halimit:

Eduard Halimi për rënien e shtetit dhe ligjit, me mbajtjen e Elvis Rroshit nga Edi Rama në detyrë
?Shihni pak këtu, i dënuari për trafik ndërkombëtar droge. I dënuari për përdhunim në grup, Elis allias Edvin Rroshi shpërndan afishe dhe sot në Kavajë, se ai i dënuari për përdhunim të të miturve, do të kujdeset personalisht për të organizuar Festivalin e Këngës për Fëmijë. Shiheni pra ku kemi arritur, ai person i cili nga Prokuroria u kërkua t?i hiqej mandate, KQZ kërkoi t?i hiqte mandatin, ta shkarkonte, Edi Rama duhet ta largonte një herë e mirë nga bashkia, nga partia, nga politika dhe t?i gjente vendin, por ky person është përsëri në krye të bashkisë, ai person kujdeset personalisht për të organizuar festivalin fëmijëve. Ja ku kemi arritur.

Këtu nuk ka ligj, këtu nuk ka Kushtetutë, këtu nuk ka legjislacion të zbatueshëm sepse nuk do një njeri, nuk do Edi Rama. Ndaj e vetmja zgjidhje për të gjithë qytetarët është të dalim në shesh. E vetmja zgjidhje janë protestat, në mënyrë që krimi të ndahet një herë e mirë nga politika, në mënyrë që njerëz si ky këtu Elvis Ervin Rroshi i dënuar për përdhunim, i dënuar për trafik ndërkombëtar droge, të mos ketë më të bëjë me qytetarët dhe me postet publike. E vetmja zgjidhje sot është të dalim të gjithë bashkë më 18 shkurt në protestë?./CityNews





Lajmet e fundit nga