E fundit!

15:57 Aktualitet

Shtyhet seanca e Metës në GJKKO/ Ja data e radhës

Seanca në themel në Gjykatën e Posaçme për kreun e Partisë...

Skandali i OSHEE/ Tender 4.3 miliardë lekë me ofertues të vetëm për makina me qera

7 Shkurt 2017, 16:12, Aktualitet CNA

OSHEE nuk heq dorë nga tenderat me 99% apo afër 100% të vlerës. CityNews sjell sot një tjetër rast se si paratë e taksapaguesve shqiptarë shpërdorohen për makina me qera nga institucioni që këto mjete me shumë gjasa dhe këto para të hedhura mund ti përdorë politikisht në fushatë.

Sic shihet nga dokumentet e siguruara nga CityNews, OSHEE ka shpallur fituesin e tenderit për ?Marrjen me qira operacionale te automjeteve per nevojat e OSHEE sh.a?.

Ky tender ka një fond limit prej 434,572,987 lekë të reja ose rreth 4.3 miliardë lekë të vjetra. Tenderi në fjalë ka një ofertues të vetëm, pasi të tjerët nuk kanë paraqitur asnjë ofertë dhe asnjë dokument ligjor.

Me vetëm një ofertues, kompania në fjalë ka paraqitur ofertën 434,000,000 lekë të reja, duke kursyer vetëm 5 milionë lekë të vjetra nga taksat e qytetarëve.

Nga ana tjetër, 4.3 miliardë lekë për makina me qera është një shifër që vështirë se mund të justifikohet për rrugët e Shqipërisë.

Kreu i OSHEE, Ardian Çela, shpesh është akuzuar nga opozita si një nga njerëzit kryesorë të korrupsionit në institucionet shtetërore.

CityNews ka sjellë me dhjetra lajme në lidhje me tenderat që zhvillohen në këtë institucion, ku shumica e tyre fitohen nga një ofertues i vetëm dhe me vlerë maksimale.

E besojmë apo jo ne si media, akuzat e opozitës apo fjalët se shuma të mëdha parash për diferencat në këto tendera shkojnë në xhepat e Ardian Çelës, ende nuk ka një hetim të plotë dhe zyrtar nga ana e prokurorisë.

Dikush e akuzon Çelën se merr 30% të tenderave, por kjo mbetet në kuadër të një thashethemi, ndoshta nga bizneset apo sulmet politike.

Për të vërtetuar çdo akuzë me tendera që fitohen me 99 % të vlerës, prokuroria nuk mund të heshtë dhe të arkivojë përballë prokurimeve që bëhen publike ku OSHEE përdor dhjetra milionë euro të këtyre tenderave të dyshimta që fillojnë nga një institucion problematik dhe që menaxhohen nga një militant shpesh i akuzuar.

Për këtë nuk ka asnjë përgjegjës dhe asnjë përgjigje. Milionat e eurove vijojnë të hidhen në tendera të dyshimtë me vlera maksimale dhe askush nuk mban përgjegjësi. Ardian Çela jo e jo.

A duhet të mbajë përgjegjësi Ardian Çela, prokurori i përgjithshëm si dhe organi i akuzës në veçanti për mos hetimin dhe hapjen e dosjeve hetimore për këto para të qytetarëve shqiptarë që përdoren nga ky institucion?/CityNews