web counter
LEXO PA REKLAMA!

SHKARKO APP

App Store
Google Play

E fundit!

x

PD thirrje Ramës: Përgjigju për Alfred Pezën! Kështu do e bësh vetting-un e gjykatësve dhe prokurorëve?

19 Janar 2017, 11:42, Aktualitet CNA

Zëdhënësja e Partisë Demokratike, Ina Zhupa, sulmoi sot deputetin e PS, Alfred Peza, pas dokumentit të zbuluar një ditë më parë, që tregonte pagën e tij si gazetar.

Referuar mashtrimit të Pezës mbi të ardhurat e tij, pasi deklaroi se ishte paguar me mbi 10 milionë lekë, kur në fakt vendimi i gjykatës tregonte një shumë qesharake krahasuar me atë që pohoi deputeti. Ky i fundit ishte paguar me vetëm 80 mijë lekë rroga në muaj.

Referuar kësaj, Zhupa hedh dyshime mbi mënyrën se si do bëhet vettingu për drejtësinë nga drjetoritë e Ramës.

Ja deklarata e plotë e Zhupës:
Deputeti i Edi Ramës, Alfred Peza, në përpjekjen për të justifikuar pasurinë duket se ka kryer një mashtrim tjetër. Peza tha se është paguar deri në 10 mijë euro në muaj në media, dhe ka qenë i adhuruar për këtë.
Por ky dokument që ka dalë në media, tregon se ai është paguar me 800 mijë lekë të vjetra në muaj. Dokumenti është një vendim gjykate, dhe nuk besohet se ka shkresë më zyrtare në vend, se sa një vendim gjykate.
Atëherë, publiku ka të drejtën të dijë; A është paguar 10 mijë euro në muaj deputeti i Ramës, apo 800 mijë lekë të vjetra në muaj. Nëse Peza është paguar aq sa pretendon, a i ka paguar taksat? Taksat që shkojnë nga 2300 euro në muaj deri në vitin 2008, dhe 1000 euro në muaj pas vitit 2008 kur u vendos taksa e sheshtë?
Po institucionet e kontrollit dhe verifikimit të pasurisë, mbi cilat dokumente punojnë, mbi pretendimet e Pezës, apo dokumentet zyrtare? Kështu do ta bëjnë ata dhe vetingun e gjykatësve dhe prokurorëve, siç kanë vepruar me deputetin socialist? Qytetarët e kanë dëgjuar variantin e deputetit. Për të gjitha këto çështje, sot është mirë të përgjigjet Edi Rama.





Lajmet e fundit nga