web counter
LEXO PA REKLAMA!

SHKARKO APP

App Store
Google Play

Rikthehet debati per imporin e plehrave/45 shoqata ne proteste

19 Janar 2017, 08:41, Aktualitet CNA

Beteja për lejimin e importit të plehrave nga jashtë Shqipërisë, tashmë po hyn në momentet finale. Dekreti i Presidentit Bujar Nishani që kërkon rrëzimin e ligjit është parashikuar të votohet në Kuvend në datën 2 shkurt dhe nuk dihet se cili do të jetë fati i tij. Ndërkohë, ambientalistët dhe civile, edhe këtë herë nuk do të rrinë duarkryq, por do të protestojnë duke i kërkuar klasës politike të pranojë dekretin e Nishanit. Në këtë kuadër, 45 shoqata ambientalistësh kanë firmosur një rezolutë të cilën do t?ia dërgojnë kreut të komisionit të Veprimtarive Prodhuese, Eduard Shalsi. Sazan Guri, kryetari i Unionit të Ekspertëve Mjedisorë Shqiptarë, shpjegoi për gazetën se ata në rezolutë i bëjnë thirrje Shalsit që të tërhiqet nga nisma dhe të pranohet dekreti i Presidentit Nishani. ?Në datën 25 janar do t?i dërgojmë Eduard Shalsit një rezolutë e cila është e firmosur nga 45 shoqata ambientalistësh në vend. Qëndrimi ynë është i unifikuar kundër ligjit për importin e mbetjeve. Në rezolutë, ne kemi dhënë të gjitha arsyet se pse sipas nesh Shqipëria nuk është gati për një ligj të tillë. Ndërkohë jemi njoftuar se paralelisht me ne, edhe shoqatat e kompanive ricikluese janë duke bërë të njëjtën gjë duke lobuar për miratimin e ligjit, pra rrëzimin e dekretit. Në datën 23 janar, ata do t?i paraqesin Shalsit arsyet për të justifikuar qëndrimin e tyre, ndaj beteja për të mos importuar plehra po bëhet më e ashpër?, deklaroi Sazan Guri për gazetën ?SOT?. Po ashtu ambientalistët kanë përgatitur edhe një libër që do të shpërndahet për të sensibilizuar se përse nuk duhet lejimi i importit të mbetjeve. Protestat do të jenë gjithashtu një tjetër instrument me anë të të cilit do të kërkohet rrëzimi i ligjit. ?Duke filluar që nga mesdita e datës 1 shkurt një grup aktivistësh prej më shumë se 150 personash do ta gdhijnë para Parlamentit duke u kërkuar deputetëve pranimin e dekretit të Presidentit. Rezistenca jonë për këtë çështje do të jetë më e fortë këtë herë?, deklaroi Sazan Guri.





Lajmet e fundit nga