web counter
LEXO PA REKLAMA!

SHKARKO APP

App Store
Google Play

E fundit!

x

Ja pse gënjen Veliaj për udhëtimin me charter në Paris/Fluturimi vetëm dy orë

19 Janar 2017, 10:08, Aktualitet CNA

Partia Demokratike akuzoi dje kryebashkiakun e Tiranës Erion Veliaj se kishte fluturuar me një charter privat drejt Parisit, ditën e hënë në datë 16 janar. Sipas demokratëve Veliaj udhëtroi në Paris i shoqëruar nga Julinda Dhamo dhe Abër Mazniku, me shpenzimet e biznesmentit Artan Sheqeri. Demokratët në akuzën e tyre sqaronin ditën e hënë si ditë fluturimi.

Veliaj në reagimin e tij nxori një biletë avioni të ditës së martë drejt Italisë. Pra kryebashkiaku gënjeu, ndryshoi ditët. Për ditën e hënë më pas tha se në 11.00 ishte takuar me dy ambsadorë në zyrën e tij të cilët ishin gati të dëshmonin.

Por Veliaj gënjen me ditët, ndoshta nuk gënjen me ambasadorët, por kjo alibi e orës 11.00 me ambasadorët nuk e shpëton nga akuza e opozitës.

Takimi mund të ketë ndodhur në oren 11 dhe mund të ketë zgjatur një apo dy orë. Charteri privat pret në bazë të tarifave që ti paguan. Pra mund të ketë fluturuar më pas, ky takim nuk i mjafton kryebashkiakut si alibi. Mbaron takimi me ambasadorët dhe fluturon drejt Parisit. Për dy orë fluturim je në Paris me charter, i tha një burim Citynews. Besojmë se Veliaj e di mjaft mirë që me charter shkon me shpejt në Paris se në Korçë me autoveturë.

Pra askush nuk mund të hedhë poshtë versionin e opozitës, megjithse po përpiqen të bëjnë zhurmë. Veliaj ka zhvilluar takimin, ka udhëtuar me charterin e biznesmenit në Paris. Ka mbaruar punë dhe takime dhe në mbremje ka qenë në Tiranë. Të nësërmen në mëngjes ashtu siç pretendon ka inspektuar një kopësht, më pas ka shkuar në Itali dhe është rikthyer brenda ditës me fluturimim e një kompanie private.

Versioni që Veliaj jep për ditën e martë është punën në mëngjes, fluturim në mesditë dhe kthim. Ky version ekzistion edhe për ditën e hënë, punë në mëngjes, fluturim në mesditë dhe kthim në mbremje. Nga takimi më ambasadorët deri të nesërmen në mëngjes janë të paktën 20 orë në dispozicion. Në kaq kohë me charter në paris vajtje ardhje mund të shkosh të paktën 4 herë./Citynews





Lajmet e fundit nga