web counter
LEXO PA REKLAMA!

SHKARKO APP

App Store
Google Play

E fundit!

x

EKSKLUZIVE – SKANDALI/ Zhduken 10 mijë ton naftë nga Doganat

23 Nëntor 2016, 16:55, Aktualitet CNA

Një skandal i padëgjuar më parë ka ndodhur së fundmi në Doganat shqiptare. Burime zyrtare thanë për Citynews se 10 mijë ton naftë janë zhdukur pa adresë nga Dogana e Durrësit, dy ditë përpara se të shkarkohej nga detyra ish-drejtoresha e përgjithshme e Doganave, Pranvera Fagu.

Të njejtat burime thanë për Citynews se një sasi prej 10 mijë ton naftë që ndodhej në Porto Romano, nën administrimin e Doganës së Durrësit, e cila shfaqej në sistem, u zhduk pa lënë gjurmë, sa hap e mbyll sytë. Ngjarja ka ndodhur rreth datës 20 Shtator, disa ditë para se të mësohej publikisht se Drejtoresha e Përgjithshme e Doganave do të largohej nga detyra. Nuk ka qenë kjo arsyeja e shkarkimit të saj, sepse largimi nga detyra i zonjës Fagu ishte vendosur përpara se të ndodhte skandali i zhdukjes së 10 mijë ton naftë.

Informacionin për zhdukjen e 10 mijë ton naftë e kanë marrë menjëherë drejtuesit e doganave por edhe Ministri i Financave Arben Ahmetaj, i cili nga ana e tij ka kërkuar hetim dhe zbardhje të kësaj ngjarjeje skandaloze dhe flagrante abuzimi dhe vjedhjeje.

Dyshohet se pjesë e skemës së zhdukjes së sasisë së naftës të jenë jo vetëm punonjësit e Doganave, por edhe Drejtoria e Anti-Kontrabandës, në Drejtorinë e Përgjithshme të Doganave, si dhe disa segmente të emëruara në detyrë për kontribute politike, të cilët përfliten për lidhje me një nga Ministrat më të rëndësishëm të Qeverisë Rama./ Citynews





Lajmet e fundit nga