web counter
LEXO PA REKLAMA!

SHKARKO APP

App Store
Google Play

E fundit!

x

Hajdutët e Valbonës

5 Nëntor 2016, 12:13, Aktualitet CNA

Policia e Shtetit ka njoftuar arrestimin e një vjedhësi energjie, por edhe ndërtuesin pa leje në Valbonë. Sipas policisë Alfred Selimaj, partner i shtetases amerikane Catherine Bohne, e njohur si kundërshtare në ndërtimin e HEC-eve në Valbonë, është arrestuar mbrëmjen e së premtes. Bëhet me dije se mbi të rëndon edhe akuza e ndërtimit pa leje.

Problemi nuk qëndron thjeshtë tek një arrestim për një vepër të caktuar penale. Çështja është se ky person, i kapur duke vjedhur energjinë dhe duke ndërtuar pa leje, ishte organizator protestash, ftonte shoqërinë civile e këngëtarë dhe organizonte skena koncertesh me energji të vjedhur. Hanin, pinin dhe këndonin dhe në fund kapen hajdut. Bashkëshortja e tij, një shtetase e huaj shkruante në media dhe fliste për problemet e mëdha në Valbonë.  Nga ana tjetër vidhnin energjinë elektrike dhe ndërtonin pa leje në zonën turistike dhe të mbrojtur të Valbonës.

A mund të ketë moral? A mund të protestojë dikush që vjedh? A mund të ketë moral dhe të protestojë dikush që ndërton pa leje. Hotel pa leje, vjedhje energjie dhe nga ana tjetër këta njerëz bëjnë moral. Pretendojnë edhe për të drejta dhe kjo është normale. Edhe hajduti ka të drejtat e tij, por ato janë të drjta që i jepen atij që kapet duke vjedhur dhe ndërtuar pa leje. Këto jepen nga Gjykata, pas një vendimi. Tani të presim për të drejtat që do fitojë një njeri që vidhte energjinë dhe ndërtonte pa leje, dhe bënte sikur i digjej shpirti për Valbonën, ndërkohë që e shkatërronte me ndërtime pa leje dhe e grabiste duke vjedhur energjinë./citynews





Lajmet e fundit nga