web counter
LEXO PA REKLAMA!

SHKARKO APP

App Store
Google Play

Kastriot Myftaraj sulmon Berat Buzhalën/ Dorëzo pasaportën shqiptare

5 Nëntor 2016, 12:07, Aktualitet CNA

Kasitriot Myftaraj ka sulmuar gazetarin kosovar Berat Buzhala lidhur me qëndrimet e tij për bashkimin kombëtar midis dy vendeve. Përmes një postimi në rrjetet sociale, Myftaraj shkruan se Buzhala është shtetas shqitpar me pasaportë dhe si i tillë ka detyrime ndaj Kushtetutës së Shqipërisë.

Myftaraj shprehet se në Kushtetuta e Shqipërisë  sanksionon  bashkimin kombëtar si aspiratë për të cilën ka detyrim të punojë dhe luftojë çdo shtetas i Shqipërisë. Ai thekson se nëse Buzhala i qëndron mendimit të vet, kundër bashkimit kombëtar, ai duhet të dorëzojë pasaportën e Republikës së Shqipërisë dhe shtetësinë shqiptare.

Më poshtë, postimi i Myftaraj

Sa ironi e madhe debati i tanishëm te emisioni ?Zonë e Lirë? e Arian Çanit, në Tv Klan, midis Kreshnik Spahiut dhe Berat Buzhalës për identitetin kosovar përkundër atij shqiptar! Kreshnik Spahiu, shtetas i Shqipërisë me prejardhje nga Prizreni i Kosovës mbron idenë e bashkimit shtetëror të Republikës së Shqipërisë me Kosovën. Berat Buzhala, shtetas i Kosovës, me prejardhje nga Puka e Republikës së Shqipërisë (fshati Buzhalë), të parët e të cilit u dëbuan para disa gjeneratave për sjellje homoseksuale, sipas Kanunit dhe u venduan në Kosovë, mbron identitetin kosovar. Por edhe Berat Buzhala që prej majit të këtij viti është shtetas i Republikës së Shqipërisë, kur me kërkesën e tij mori nga Presidenti Nishani shtetësinë shqiptare. Si shtetas i Republikës së Shqipërisë, Berat Buzhala ka detyrime ndaj Kushtetutës së Shqipërisë, e cila që në preambulën (hyrjen) e saj sanksionon bashkimin kombëtar, si aspiratë për të cilën ka detyrim të punojë dhe luftojë çdo shtetas i Shqipërisë. Nëse Berat Buzhala i qëndron mendimit të vet, ai duhet të dorëzojë pasaportën e Republikës së Shqipërisë dhe shtetësinë shqiptare./Kastriot Myftaraj





Lajmet e fundit nga